Gesonde Seks Huiswerk #39

360-seks

Vandag se Gesonde Seks huiswerk gaan nie oor 360 dae van seks of 360 ritmiese posisies nie, maar eerder oor één posisie wat jou in elke rigting gaan laat kyk . . .

Wanneer die vrou bo is en op haar man sit, begin sy stadig maar versigtig draai terwyl haar man se penis nog binne in haar is. Hierdie beweging gaan baie nuwe sensasies by julle albei opwek omdat die vagina in ʼn posisie gaan wees waaraan julle nie gewoond is nie.

Kommunikasie is hier baie belangrik. As dit vir die een seer of ongemaklik raak, moet julle dadelik stop. Maar wanneer julle op ʼn plek kom waar dit vir julle al twee lekker is, spandeer ʼn bietjie tyd om dan Noord Noord Wes te kyk en speel rond met verskillende bewegings.

Hierdie posisie werk baie goed saam met rolspel! Die vrou kan soos ʼn seerower aantrek wat opsoek is na land!

©Gesonde Seks, Timothy Kieswetter 2012

Gesonde Seks Huiswerk #38

Aflos-seks

Wanneer mens aan seks dink, dan dink jy altyd aan ʼn man en vrou wat saam seks het en as jy baie gelukkig is, bereik al twee ʼn orgasme! Ongelukkig is die realiteit dat baie vrouens nie regtig seks geniet nie en dit maar net vir hul mans se onthalwe gee.

Gesonde seks beteken nie dat jy op dieselfde tyd as jou maat orgasme moet bereik nie, maar eerder dat al twee van julle jul eie en mekaar se seksualiteit geniet. Daarom dan vandag se gesonde seks huiswerk: aflos-seks

Gedurende aflosresies is daar net een persoon wat op ʼn slag met die aflos-stok hardloop alhoewel daar meer as een persoon in die span is. Aflos-seks gaan daaroor om op jou maat se plesier te fokus en dan later op jou eie plesier te fokus. Neem julle tyd om mekaar af te los en om mekaar seksueel op te wek, te terg en die hoogtes in te stuur. Hierdie seks gaan baie kommunikasie en gesprek vereis, so moenie stilbly nie. Sê wat in jou kop aangaan – wat jy graag wil hê jou maat moet doen en wat vir jou lekker is.

Wanneer julle al twee voel dat julle genoeg beurte gemaak het, kan julle besluit om saam oor die wenstreep kom!

©Gesonde Seks, Timothy Kieswetter 2012