Wat wil die moderne vrou van haar man hê?

Wat wil ’n vrou hê?

Vroeër jare was die antwoord maklik: Bring die brood huis toe, dissiplineer die kinders, beskerm jou huisgesin . . . sou vroue sê.

Vandag is dinge veel meer ingewikkeld en daardie lysie van eise verskil van vrou tot vrou.

Wil hulle hê die deur moet vir hulle oopgemaak word? Of moet ons hulle nie ‘onderskat’ nie? Moet ons vra wat pla of moet ons liewer stilbly?

Om die antwoord te kry op die vraag: “Wat wil die moderne vrou van haar man hê?”, is elke man se soektog en nogal ’n ware enigma.

Ek kan darem sê na sewe jaar verstaan ek my vrou beter, want ek besef nou dat daar nog baie is wat ek nié van haar nie verstaan nie! Dalk is dit God se manier om ons as mans aktief by ons vroue betrokke te hou? Want as ’n mens al die antwoorde ken, raak die werk baie minder!

Ek het so ver drie spesifieke behoeftes geïdentifiseer wat mý moderne Eva van my wil hê: Sy wil by my veilig voel; sy wil hê dat ek haar moet begeer en romanties moet wees; en (dalk die mees afgeskeepte een) sy wil hê dat ek vir haar moet luister en haar emosies moet respekteer.

Dit raak net egter ’n bietjie ingewikkeld as sy dit álles gelyktydig wil hê!

Ek kan onthou toe dit tyd geword het om my swanger vrou hospitaal toe te neem. Ek moes vir haar luister en verstaan dat sy baie bekommerd en benoud voel. Dié inligting moes my tot aksie laat oorgaan om haar hospitaal toe te jaag, maar nie voor ek die deur vir haar oopgehou en haar gekomplimenteer het oor hoe mooi sy lyk nie. Soos wat ek deur die verkeer in en uit duik, oor oranje ligte versnel, vorder ons goed. Heel trots op myself, my oerinstink en my gedrewenheid om Vroulief vinnig genoeg by die hospital te kry. En ewe skielik, so uit die bloute, kry ek ’n klap teen my skouer van my vrou wat vir my sê ek moet veilig en versigtig ry!

So, eintlik sal daar altyd elemente van my moderne vrou wees wat ek nie verstsaan nie, want dis maar net nie hoe my moderne man-brein werk nie. Wat ek wel verstaan, is dat my lewe dolleeg en vervelig sou wees sonder haar aan my sy. Dis dus nodeloos om te sê dat ek dié soektog met ’n breë glimlag bly voortsit om die antwoord te vind: “Wat is dit wat mý moderne vrou van my wil hê?”

2 thoughts on “Wat wil die moderne vrou van haar man hê?

    • Gaaf, dan sal ek iets daaroor moet skryf eendag 😉 maar om vir jou te se in een sin wat die moderne man wil he is vir sy vrou om sy ego te streel. Hy wil soos jou koning, held en hero voel

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s