Mans die jagter? of net jags?

Wat om te doen met hierdie oeroue jagdrang wat so elke nou en dan kop uitsteek
Timothy Kieswetter

Verbeel jou jy het in ’n grot gewoon. Jy is die man, die jagter, vroegoggend uit op soek na jou prooi. Jy gebruik al jou instinkte en sintuie om suksesvol te jag. Jy sleep jou vangs terug grot toe en vlek dit oop oor die kole. Jy kyk rond en roep vir vroulief. Sy antwoord saggies vanaf die rooster bo-op die kole: “Mooi, my jagterman. Jy het my weer gevang.”

Wat is hierdie oeroue jagtersinstink van ’n man? Ek wonder of ons dit nie dalk ’n bietjie verkeerd verstaan nie. Ek dink nie ons was ooit veronderstel om die skoner geslag te jag nie. Dit werk dalk vir jou as jy ’n biologiese rede soek om die hele tyd “jags” te wees of as jy daarvan hou dat vroulief ook jou gevangene is. Altwee hierdie geloofsoortuigings sal nie vir jou ’n goeie Goddelike fondasie en kans gee in jou huwelik nie. As ons God se Adam- en Evaplan bestudeer, begin hierdie jagtersinstink van ons heeltemal ’n ander betekenis aanneem. Dit is nie die feit dat ons ’n jagdrang het wat ek bevraagteken nie, maar eerder wát dit is wat ons jag. Adam het nooit vir Eva gejag nie, maar hy moes vír haar jag.

Om vir jou vrou te jag, maak ’n baie groot verskil in hoe ’n man homself sien, asook hoe hy na sy vrou kyk. Die man wat vír sy vrou jag, neem ’n beskermende rol in teenoor die selfbevredigende rol van ’n man wat vroue jag. Vir eersgenoemde gaan dit meer oor sy vrou se gevoelens as wat dit oor sy eie seksuele drange gaan. Hy is ’n man wat grootgeword het en besef het die lewe draai nie om homself nie. Die manier hoe hy na sy vrou kyk, is ook anders as die man wat vroue jag. Vir hom is sy vrou sy gelyke, sy metgesel, in plaas van slegs ’n spogtrofee.

As ons terug na Adam se storie toe gaan, kan ons sien dat hy ’n beter kans gestaan het om in die paradys te bly as hy die slag gejag het in plaas daarvan om met die ding te speel. Die slang het vir Eva versoek, want sy was die kwesbaarste een van die twee. En die beste manier om jou vrou se kwesbaarheid te beskerm, is om vir haar te jag. Al die versoekings in die huwelik, by die huis, werkplek, familie en vriendekring – dit is die man se plig en voorreg om dit alles te jag in sy vrou se naam.

Hierdie is nie ’n verhaal van twee verskillende soorte mans nie, maar van een man. Ons almal is uit dieselfde klip gekap en hierdie “jagsheid” versus “jag vir my vrou” is iets wat elke moderne man nog mee worstel. Die sleutel lê nie daarin om die perfekte vrou te kry nie, maar eerder om die ware jy te ontdek. Hierdie transformasie van selfsugtigheid tot verantwoordelikheid spreek van grootword. Nee, mán word! Dit is elke man se uitdaging. Want jag gaan ons jag. Die vraag is wát vir wié?

2 thoughts on “Mans die jagter? of net jags?

  1. Pingback: Got what it takes to be a Captain? « Binne die Glashuis

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s