Dit is nie goed vir die mens om alleen te wees nie!?!


Alles wat geskape is was goed, behalwe…

Daarna sê die Here God: “Dis nie goed dat die mens alleen is nie. Ek sal vir hom ’n metgesel maak, sy gelyke wat hom kan help.” (Ge 2:18)

Timothy,
Toe God alles geskape het was na elke skepping die opmerking dat dit goed was, dit was dus ‘n kwalitatiewe stelling, ‘n boom die mens en visse was God geskape, die kwaliteit onbeskryflik perfek! En dan is dit asof God dit oordink in Gen 2:18 die mens alleen eties nie goed nie.
Binne die raamwerk openbaar God sy Goddelike bloudruk van eenheid.

i. Hoekom is eenheid vir God so belangerik?

God het Adam en Eva apart van mekaar gemaak; alleen en tog volmaak. God maak nie die vrou omdat hy sien dat Adam te kort kom nie, maar omdat dit sy lewe gaan verbeter.

Jou huweliksmaat moet jou lewe verbeter.

ii. Die wêreld het onderdanigheid so negatief gemaak dat almal gelyk wil wees, hoe moet ek as gelowige na dit kyk?
Ek dink God het ons gelyk geskape, maar die vloek het ons verder van mekaar gedryf. Die man is gevloek om te werk en die vrou is gevloek om onderdanig aan haar man te wees. Vandag sien ons dat vrouens ook moet werk en dat mans nie meer die broek in die huis dra nie, so die vloek het maar net erger en erger geraak.

Hoe kan ons dit teen werk? Om terug te keur tot wat God ons voor gemaak het.
• Adam wat ’n visie het en wat daarna toe werk.
• Eva wat verlief raak op haar Adam se visie en missie en hom bystaan en help.

Al twee is uniek, individueel en ondersteun mekaar.
Mans wat luister vir hulle vrouens gee vir die vrou ruimte om in haar skeppingsdoel te beweeg HELP
Vrouens wat toelaat dat hulle mans die leiding neem, gee ruimte vir hom om sy skeppings doel te doen.

iii. Timothy, wie moet die broek dra in ons huwelik? Is dit enigsins belangerik, hoe dink God daaroor?
Wel, as seksuoloog sal ek graag wil sien dat niemand die broek dra nie 😉

Die een is nie beter as die ander nie en al twee het respek vir mekaar.
Onthou jou huweliksmaat is veronderstel om mekaar se lewe te verbeter. So soms sal die man sterk wees en soms sal die vrou sterk wees, maar albei moet leer om op mekaar te steun.

iv. Wat is belangerik om te onthou as ek wil hê God moet my huwelik seën?
Te veel van ons wag dat God ons huwelike moet seën. In waarheid wag God dat ons ons eie huwelike seën, deur om mekaar se lewens te verbeter.

NB. jy moet jou reg opgee om in die reg te wees. Jy kan elke argument wen in jou huwelik en nog steeds op die punt van skei staan.

Wat moet ‘n Christen vrou doen as haar man niks van God wil weet nie?


Wat moet ‘n Christen vrou doen as haar man niks van God wil weet nie?

En julle, vroue, julle moet julle eie mans se gesag oor julle aanvaar, selfs as hulle nie die Goeie Nuus glo nie. Sonder dat julle ’n woord hoef te sê, sal julle leefstyl hulle vir Christus wen. (1 Pet 3:1)

Timothy,
Van Paulus kan ‘n ou nog sê hy het baie dinge kwytgeraak omdat hy dalk nie self getroud was nie, maar ons weet Petrus was. Ek kyk na die skrif en wonder hoe prakties dit kan wees.

i. Wat staan my as gelowige te doen wanneer ek ‘n passie vir God het maar my huweliksmaat kan net nie traak nie? Wat is die wyse ding om te doen?

Ek moet net hier noem dat dit verskriklik moeilik moet wees om in ’n huwelik te wees waar jou huweliksmaat nie jou geloof deel nie. Christenskap vereis ‘n sekere manier van lewe, ’n hoër morele kode as iemand wat nie gelowig is nie. Hier kan verseker baie konflik in ’n huwelik en persoonlik hartseer veroorsaak. Daarom gee God vir ons ’n manier hoe om dit te hanteer. 1 Petrus 3:1 maak dit duidelik dat ten spyte van die mans se geloofsoortuiging, moet die vrou nog steeds aan haar man onderdanig wees en niks sê nie.

Wow, vrouens wat niks mag sê nie? Die vrou se rol in ’n huwelik is nie om die man tot bekering te bring nie. Dit is nie om die man te lei nie, nog sy pastoor te wees nie. Die vrou se rol in die huwelik is om sy helper te wees. Dit wil sê dat wat ook al die man besluit om te doen, moet sy hom help, ondersteun en bystaan.

Daar is ’n mooi sê ding wat ek lank terug gehoor het wat sê: “I won’t ask the question, until I am asked the question.” Met ander woorde, ek sal nie jou op jou saligheid bevraagteken nie, totdat jy vir my leidraad gee dat jy wonder oor jou eie saligheid.

Jesus sê ons moet die goeie nuus versprei. Wel, om mense te vertel dat hulle hel toe gaan, is nie goeie nuus nie. En baie Christen vroue is so desperaat om hulle mans tot inkeer te kry dat hulle net die hele tyd vir die man preek. Jy weet? Die man is ’n trotse-ding en gaan nie sommer in enige iets in geboelie word nie. God het dit geweet. Petrus het dit geweet, en daarom staan daar geskrywe: “julle leefstyl sal hulle vir Christus wen.” Watse leefstyl? Waar jy jou man bedien en nie bepreek nie.

As ons mooi na Jesus se bediening gaan kyk, sal ons sien dat Hy meer mense met liefde bedien het as wat hy vir hulle bepreek oor wat hulle moet en nie moet doen nie. Jesus wat sy dissipels se voete was, is dalk ’n goeie voorbeeld om te wys wat is die kortste pad na die mens te hart…om nederig te kom en te dien.

ii. Beteken dit ek moet glad nie kerk toe gaan, of oor die Here getuig in my familie opset nie?

As dit meer vir jou man gaan beteken as jy saam met hom Sondag oggend ’n movie gaan kyk, is dit beter vir jou huwelik en jou man se saligheid om die movie te kyk. Jy hoef nie jou eie geloof op te gee vir hom nie, maar jou geloof, of dalk meer akkuraat, jou godsdiens, moenie jou van jou man weghou nie, want dit gaan hom net meer rebels maak teenoor God.

In my eie lewe was daar ’n stadium waar ek lekker kwaad was vir die Here en ek het niks meer belang gestel nie. Ek sal nooit vergeet wat my vrou vir my gesê het nadat ek weer geweier het om kerk toe te gaan nie. “Timothy, ek is lief vir jou maak nie saak wat nie, maar ek wil hê jy moet weet dat ek sal aanhou vir jou bid.” Daardie sin het my tussen die oë getref, maar weet jy wat het my hart laat verander? Die feit dat my vrou nooit weer daarna vir my gevra het oor my saligheid en verhouding met die Here nie. Sy het my bedien en in haar stilte tyd vir my gebid.

Stormie Omartian, wie die boek, “When wives pray for their husbands” geskryf het, getuig van ‘n man wat na God toe gedraai het na jare se getroue gebed. In hulle geval, was dit ook geduld en liefdevolle aanvaarding wat haar man se harde hart verander het.

iii. Moet ek nie dalk manipuleer deur omgang te weier nie, dan sal hy seker aandag gee aan my Geestelike behoeftes?

As jy nou regtig ’n gemors van alles wil maak, dan moet jy seks weier om jou man te manipuleer. Hierdie taktiek is gewaarborg om nie net jou huwelik weg te gooi nie, maar jou man verder van God te dryf.

iv. Wat sou jy aanbeveel in so ‘n familie opset? En hoe affekteer dit ons verhouding met mekaar en sal dit “vlieg” met God, m.a.w. gaan ek as gelowige nou “gestraf” word vir my verkeerde keuse in ‘n huweliksmaat?

Ek dink nie God gaan eendag as jy in die hemel kom vra hoekom het jy nie meer vir jou man van My vertel nie. Ek dink eerder as Hy vir jou wel iets gaan vra sal dit wees hoekom het jy nie meer jou man gedien nie?
Romeine 2:4 sê “God is ryk in goedheid, verdraagsaamheid en geduld! Sê dit vir jou niks nie? Besef jy nie dat God jou deur sy goedheid tot bekering wil lei nie?” Daar is niemand meer instrumenteel in ’n ongelowige rebel van ’n man se lewe as sy vrou nie. Wanneer die vrou haar man se saligheid oorgee aan die Here en net fokus om die beste vrou te wees en haar huwelik te geniet saam die man wat sy gekies het om mee te trou, sal ons baie meer mans in die Koninkryk in verwelkom.

Wat doen jy as jou man ‘n probleem het met jou gewig?


Wat doen jy as jou man ‘n probleem het met jou gewig?

‘n Luisteraar skryf: “Wat doen mens as jou man heeltyd aanmerkings en opmerkings maak oor jou gewig. Nie direk vir jou sê jy is vet nie, maar aanmerkings maak oor oefening en as ek iets wil eet maak hy deesdae aanmerkings. Ek weet ek is vet, maar dit maak my net nog meer depressed as hy so is”.

Timothy,

Die ou grappie van, laat hierdie broek my vet lyk? Het nou ʼn werklikheid geword.
i. Hoe kan mans en self vrouens hierdie geskilpunt hanteer, wanneer ons met gewigskwessies te doen kry, sodat ons wys en liefdevol die saak benader?
ii. Die vraag is dan moet mens verder in ‘n huwelik nie net oor die aangeleentheid nie, maar oor die algemeen, die hele waarheid deel, wat is die implikasie om te reserveer?

Antwoord:

Daar is niks fout met ’n vet vrou nie. Sy sal vir jou skaduwee gee in die somer en hitte in die winter!!!

Kom ons begin om 2 belangrike beginsels te skei.
1. Eerstens, om oorgewig te wees as gevolg van ongesonde eet gewoontes en geen oefeninge. Hierdie tipe oorgewig sal by jou steel in al die areas van jou lewe, van die energie wat jy beskikbaar het tot jou selfvertroue om jou sekslewe te geniet.

2. Maar, wanneer jy ten spyte van gesond eet en gereelde oefening, nog steeds ’n bietjie oorgewig bly. Moet jy dan net harder oefen en minder eet, reg? Nee, verkeerd. “LOVE WHAT YOU’VE GOT!”
Vir die res van die gesprek sal ons gesels oor die 2de tiepe oorgewig vrou of man. Die vrou wat gesonde eetgewoontes het en gereeld oefen, maar wat nog steeds ’n voller figuur het as die vrou op die tydskrif ‘covers’.
Ons moet besef dat daar nie een figuur is wat globaal as die mooiste beskou was oor die generasies nie. Jy het nog altyd klein figuurtjie en groot figure gekry, al wat verander het oor die jare was die samelewing se aanvaarding en klasifikasie van wat is sexy en wat is nie.

Maar hierdie wat ons samelewing vir ons verkoop as wat die ideal is, is ’n leuen. “As jy net nog 10 kg verloor, dan sal jy gelukkiger wees.” “As jy net ’n bietjie meer geld verdien dan sal jy gelukkiger wees.” “As jy net genoeg spaar om daardie motor te koop, dan sal jy gelukkig wees.”
Hierdie is alles net verkoop tegnieke om jouself ontevrede te maak met wat jy het en wie jy is. Die samelewing moenie vir ons sê wat is mooi en wat is lelik nie. Ons moet self daardie besluit maak. En dit begin by die individu.
Ek dink ’n meer akkurate definisie van wat ‘sexy’ is, moet wees wanneer jy gemaklik is met wie jy is en gemaklik voel met wat jy het.

Die antwoord lê nie in wat jy nog moet bereik nie, die antwoord lê in die feit dat jy vrede het met wie en wat jy is. Amper ’n tiepe van innerlike genade, dat dit maak nie saak of jy ’n bietjie oorgewig is of dalk soos ’n strykplank lyk nie, jy is lief vir jouself. PUNT!

So vir die gesonde oorgewig vrou: Aanvaar wat jy het. Leer om jouself lief te hê net soos jy is. Want as jy gemaklik voel sal mans nie hulle oë van jou kan af hou nie.
Bulimia en anoreksie bewys dat maer meisies nie noodwendig gelukkig en sexy voel nie. So kies eerder om gemaklik te wees met wat jy het.

Wat as my man nie van my lyf hou nie? “Beauty is in the eye of the beholder.” Dit is ’n groter refleksie op hom as op jou. Hy mag dalk voel hy verdien beter. Dat hy uit mis in die lewe. Dat hy nie goed genoeg is vir iets ‘beter’ nie.
Mans wat ’n probleem het met ’n gesonde oorgewig vrou wat gemaklik met haarself is, het probleme van hulle eie en omdat mans nie regtig met hulle emosionele probleme goed kan deal nie, verplaas hulle al hulle frustrasies en onbewuste emosies oor op die vrou.

Aan die ander kant is dit die sosiale aanvaarding en advertensie van hierdie fantasie lyf. Sy is orals op T.V, in die tydskrifte en tot in sy drome. My opinie oor dit is dat sommige mans met hulle eie manlikheid moet vrede maak, hulleself liefhê net soos hulle is, (al was hy nie die kaptein van die eerstespan rugby nie).
Albei die man en die vrou is nie gemaklik met die vrou se lyf nie, wanneer hulle nie goed voel oor hulleself nie.
As ons by ’n punt kan kom waar ons ons eie ‘insecurities’ verwerk het, sal ons die mooi in allerhande mense begin raak sien.

Ten slote:
Daar was ’n baie interessante studie gedoen oor wat beide geslagte as die ideale aantreklike liggaam figuur beskou. Dieselfde vier vrae was gevra vir die mans asook vir die vrouens. My huidige figuur, my ideale figuur, die figuur wat ek dink die ander geslag die mees aantreklikste sal vind en die figuur wat ek in die teenoorgestelde geslag die mees aantreklikste vind. Hulle moes uit 9 figure wat van baie maer tot baie vet rangskik. Die mans se huidige figuur en ideale figuur was baie dieselfde. Waar die vrouens ’n baie interessante en dalk kommerwekkende patroon getoon het. Hulle huidige figuur was groter as wat hulle gedink het die meeste mans aantreklik sou vind, maar hulle eie ideale figuur was NOG dunner as dit. So dit is nie net dat vrouens dink mans oordeel hulle gewig nie, hulleself oordeel hulle eie gewig nog meer strenger.

Vir my is die studie se grootse openbaring dat beide die mans en die vrouens verkeerd geraai het wat die ander geslag die mees aanloklikste vind. Die mans is vas oortuig dat vrouens van ’n groter man figuur hou en die vrouens is oortuig dat die mans van ’n dunner vrou figuur hou.(i)
Wanneer ons na hierdie studie kyk asook na wat die oor die jare en in verskillende kulture beskou was as die perfekte lyf, begin ons agterkom dat daar nie een spesifieke figuur is wat as perfek beskou kan word nie. Hoekom nie? Dalk omdat die Engelse gesegde ’n waarheid beet het. “Beauty is in the eye of the beholder.” Ek dink ons kan nog ’n faset daarby aanheg en dit is dat ware skoonheid straal van binne af. Wanneer die vrou mooi voel, dan lyk sy sommer baie mooier.

i. April E. Fallon en Raul Rozin het hulle bevindings gepubliseer in die “Journal of Abnormal Psychology – Volume 94, Issue 1” met die titel “Sex Differences in Perceptions of Desirable Body Shape”.

My vriend het ʼn “affair”! Wat moet ek doen?


Kort na die laaste putjie op die gholfbaan, is Jeff haastig om klaar te maak…dit is vreemd dink ek, ons kuier gewoonlik nog na die tyd, dan lui sy foon en hy praat agter sy hand… Die geselsie word kort geknip wie was dit vra ek … Sommer iemand op kantoor, sê hy en dit voel of ek my ou pêl van al die jare nie meer ken nie.

Timothy,
i. In die geval is dit nie nog ‘n sepie nie maar die regte ding ek dink my vriend/vriendin het ‘n affair, hoe hanteer ek dit? Die Bybelse riglyne is liefde en wysheid, maar ek is teleurgesteld en wil dit uitpraat.
ii. Wat as hy volhou met dit? Moet ek sy vriendin/vrou vertel, is dit my Christelike plig?

Antwoord:
Mens kry vriende en dan kry jy VRIENDE! Sommige vriendskappe is oppervlakkig en sommige is vol diep waarde en betekenis. Ek dink een van die heel eerste dinge om te besef is dat jou vlak van verhouding met ’n persoon bepaal jou vlak van inspraak .

Vlak van verhouding = Vlak van inspraak

Nou baie van ons Christene hou nie daarvan om dit te hoor nie, want ons voel geregtig en verplig om vir almal die “Gospel” te gee. Maar ons vergeet wat die “Gospel” beteken. Die Gospel beteken die Goeie Nuus. En om mense die hele tyd te hamer oor hulle sonde en hulle swak punte uit te wys, is verseker nie die Goeie Nuus nie.
Dan is dit belangrik om te verstaan dat ons behavior, dit wat ons doen, is baie maal maar net ’n simptoom van ’n dieper seer, vrees of emosie. As ons die hele tyd net ons vriende of onsself gaan oordeel oor ons gedragpatrone, sal ons nooit by die dieper wortel probleem uitkom nie en dus sal ons nooit kan groei as mens nie.

Daarom is dit belangrik om die tyd te neem en te LUISTER na jou vriend. Hy/sy weet alreeds dat hulle verkeerd doen, anderste sal hulle dit nie probeer wegsteek nie. Hulle het nie nodig dat jy hulle skuldiger laat voel nie. Hulle het ’n vriend nodig wat daar is vir hulle. Wat hulle nie oordeel nie. Wat bereid sal wees om te luister.
As ons in die gewoonte kan kom om vir mekaar ons sondes kan vertel, sal ons ’n baie gesonder lewe kan lewe. Jakobus 5:16 sê presies dit. “Bely julle sondes eerlik teenoor mekaar en bid vir mekaar, sodat julle gesond kan word.” God het die mens gemaak om sy seer, pyn en emosies met die geliefdes rondom hom te deel.

Hierdie hou ons nog minder van om te hoor, want wat gaan die mense van my dink as ek hulle vertel wat ek aangevang het? Ons is vas gevang in ’n blink buite, maar vrot binne mentaliteit. En die eerste stap wat jy moet doen om van hierdie mentaliteit ontslae te raak is om te besef dat jy ook maar net mens is. Dat die sonde lê en loer vir ons almal. En dat die hoeveelheid van sonde wat ons doen of NIE doen nie, bepaal nie God se liefde, genade of goedheid vir ons nie.
Elke situasie en verhouding het sy eie dinamika, so wat die regte manier vir jou is om op te tree sal anderste wees as die volgende persoon. Maar as jy hierdie paar beginsels onthou, sal dit baie help met wat om te doen en wat om te sê.

Stuur jou vra of kommentaar na timothy@gesondeseks.co.za

Podcasts – Gesonde Seksualiteit


· Wie is Timothy en wat is seksologie?
Play · Download

· Hoe vêr mag ‘n ongetroude gelowige paartjie seksueel gaan?
Play · Download

· Christene en pornografie
Play · Download

· Hoe om met pornografie te breek
Play · Download

· Pornografie en tieners
Play · Download

· Pornografie in die huwelik
Play · Download

· Seks en manipulasie
Play · Download

· Waar het die verlief gevoel gegaan na my trou dag?
Play · Download

· Wat is sekseule wellus?
Play · Download

· Wat seksuele wellus NIE is NIE
Play · Download

Help my man is impotent
Play · Download

Toegewyde liefde
Play · Download


Seks en kinders in die huis
Play · Download

Hoe om vlerk te sleep
Play · Download

Leer wat romanse is!



Jou liefdes maat of vrou hou aan karring oor jou onvermoeë om romanties te wees.
Timothy,
Dit is miskien nie belangerik vir ons as mans nie, maar dit laat haar hart vinniger klop, en dan as ons wil eerlik wees, doen sy goedjies wat jou hart vinniger laat klop, so dalk is dit die moeite werd om te leer wat romanse is!
Die groot vraag is, wat beskou Evas as romaties?
Ps. “Timothy hier het ons ernstige hulp nodig” – skryf ‘n luisteraar

V. Neem haar uit op afsprake? Ons mans is mal oor burgers of hoe?
A. Die grootste ding wat ‘n vrou wil sien is dat sy vir haar man die belanrikste ding in die lewe is. Jy moet haar anderste (beter) behandel as enige iets anderste in jou lewe. Met dit sal dit vir jou ‘n goeie fondasie skep om romanties te wees.

Afsprake stuur ‘n baie duidelik boodskap. “EK MAAK TYD VIR JOU” Jou vrou sien dat al die ander belanrike dinge in jou lewe kry ‘n tyd en plek in jou dagboek, en as jy haar daar ook in pen, verhoog jy dadelik haar belanrikheid.

Dit maak die ete of fliek so veel meer amptelik vir albei. Baie maal nadat jy vir ‘n lang tyd al getroud is of al kinders in die huis het is dit so maklik om dinge saam te doen sonder om regte “saam” dit te doen.

V. Is dit ‘n ingesteldheid
A. Nie almal hou van roetine of vasgestellede ‘dates’ nie. Maar dit is ‘n baie goeie manier om in die gewoonte te kom om wel vir mekaar spesiale tyd te maak.

V. Hoe belangerik is moeite?
A. Elke persoon kan hierdie vraag vir hulleself antwoord deur om ‘n maklike formule te gebruik (Moeite = Resultate)

Die moeite wat jy insit het ‘n direkte uitwerking op die resultate wat jy gaan uitkry.

V. Speel verrassings ‘n rol en het jy voorstelle?
A. ‘n Onverwagte geskenk op ‘n onverwagte tyd!

‘n Bos blomme na ‘n gisteraand se bakleiry sal haar help om jou te vergewe, maar ‘n bos blomme afgelewer by haar werk of langs die baba doek om ruil tafel sal vir jou baie meer resultate bring.

Ek wil net hier noem dat as jy romanties wil wees net om vanaand te score, dan mis jy die punt heeltemal. Die doel van om jou vrou te romantaseer is om ‘n atmosfeer en kultuur te skep van ‘n intieme huwelik

V. Wat van clichés? Kers ens.?
A. Daar is ‘n rede hoekom iets ‘n cliché geword het… want dit werk!!!

Ete by kerslig, sjokolade op die bed, rooi roos blare gestroei in die slaapkamer. Haar gunsteling musiek wat in die agtergrond speel.

V. Is dit regtig nodig om haar dit te vertel wat sy weet, soos ek is lief vir jou, jy’s pragtig?
A. Hierdie laat my dink aan die ou oomie wat na 30 jaar se huwelik nooit vir sy vrou gese het hy is lief vir haar nie. Toe iemand vir hom vra hoekom nie, se hy dat toe hy op hulle trou dag vir haar gese het hy is lief vir haar het hy dit bedoel, en as hy ooit van plan verander sal hy haar inlig.

Om komplemente te gee en vir haar en te se jy is lief vir haar is om jou emosies vir haar te wys en dit is soms moeilik vir mans om te doen.

V. Ek wonder partykeer of ek oplettend genoeg is?
A. Ons let dinge op wat vir ons belanrik is. Nuwe model van jou motor of die verandering in die Springbok span.
As jy ‘n atmosfeer en fondasie skep om jou vrou anderste (beter) te hanteer, sal jy meer oplettend wees.

So ‘n kaal besigheid? Kan ek nie net iets bedek nie?


Timothy,
Om naak voor jou vrou te staan, emosioneel, spiritueel en fisies is van die moeilikste dinge wat enige man kan doen. Op geen ander stadium is jy meer kwesbaar as op daardie oomblik wanneer jy oop en eerlik voor haar staan.

V. In daardie lig is dit duidelik hoekom moderne mans gryp na ding waaragter hulle kan skuil soos alkohol byvoorbeeld?

A. Die mense se eerste reaksie is homself (sy naaktheid) te bedek. Omdat ons ‘n diep innerlike openbaring het dat ons te kort kom. Dat ons in ons naaktheid nie die mas kan op kom nie.
Dit het begin met Adam en Eva. Nadat hulle gesondig het, was daar iets missing en hulle het dit probeer wegsteek vir hulleself en vir ander. En vandag nog raak ons dronk, raak ‘workaholics’ enige iets om agter weg te skuil dat ons beste is nie goed genoeg nie.

V. Hoe belangrik is dit om jouself so bloot te stel, wat as sy nou alles van my weet ?

A. ‘n Gesonde huwelik is een waar hulle ‘naaktheid’ tekortkominge, foute en slegte gewoontes okay is met mekaar. “Ek is lief vir jou net soos jy is.” En dit is slegs in so ‘n naak voor mekaar staan verhouding, waar jy werklik kan groei.

!!Maar as jy jouself die hele tyd probeer bedek, al jou foute verskoon, verdrink of wegsteek hoe kan jou vrou of man ooit die werklike jy aanvaar!!

Wat vir my baie interessant is dat toe Jesus op die kruis vir ons sterf en al die sonde van die wêreld op hom te neem, sê die Bybel dat hy kaal was. Hy het die wêreld se naaktheid voor God die Vader geneem en gesê dit is wie ek is, daar is niks wat ek wegsteek of ontken nie.

… en God het dit so aanvaar!
V. Om veilig te voel met my vrou klink vreemd, maar dit is nie, gestel ons hou vakansie met vriende en my vrou se vriendin is getroud met ‘n spier-paleis is dit belangrik om dit met haar te kan deel , en dat sy my laat veilig voel, Timothy het jy raad?

A. Jy bedoel, jy is jaloers en jy soek jou vrou se versekering dat sy darem nog van jou bierpens hou? Om jou vrese, angs en emosies te kan identifiseer en met jou vrou of man te deel is die mees kragtigste wapen om te groei as mens en in die verhouding.
Ek sê gereeld vir my vrou, daardie man intimideer my, ek voel nie waardig om met so ‘n persoon te gesels nie, ens.

!!Ek ken my kaalheid, en dit is okay want my God en my vrou aanvaar my net soos ek is!!

Mag ek uit die slaapkamer praat?


Stuur jou vrae na timothy@gesondeseks.co.za
V: Ek en my beste vriendin gesels graag oor ons huwelike. Ons deel sekswenke en ek sal haar vertel as ek weer kwaad is vir my man. Onlangs het ons saam met hulle gekuier (haar man is ook vriende met my man) en iets is gesê wat hom laat besef het ek bespreek ons sekslewe met haar. Hy was woedend. Ek sien niks daarmee verkeerd nie en voel dis vir my beter om teenoor ‘n vertroueling te bieg as wat ek opkrop. Is dit okay om jou man en jou sekslewe met jou beste vriendin te bespreek? En waar trek ‘n mens die streep?

A: Ek dink meer mense moet begin gesels oor hulle huwelike – die goeie en die slegte daarvan. Die idee dat ‘n mens nie uit die slaapkamer mag praat nie, laat baie huwelike in die donker. Ons gesels tog oor alles anders in ons lewe met ons vriende soos ouerskap, werk, geloof, dieet, ensovoorts. Dié ‘geselsies’ het ‘n dubbele doel in die sin dat dit vir jou ‘n uitlating gee wat keer dat jy nie alles hoef op te krop nie. En tweedens dien dit as ‘n manier om jouself en situasies teen ander te meet. Die meeste mense wat na my kom vir berading is vas oortuig dat hulle die enigste mense is wat met hierdie probleem sukkel. Gedagte begin dan in hulle rond maal: “Dit maak hulle abnormaal, ‘n duidelike teken dat daar fout is met hulle, dat hulle iets verkeerd gedoen het”, en so raak die angs groter en groter. 9 uit 10 moet ek vir hulle vertel dat hulle probleem is eintlik ‘n baie algemene een en is nie reg ‘n probleem nie. Maar hoe sal jy weet dat jou huwelik normaal is as jy nooit daaroor praat met ander mense nie?
Omdat ons nie buite die slaapkamer gesels nie, word ons seksuele frustrasies op gekrop en weet ons nie altyd of ons sakeprobleme normaal is of professionele ingryping verg nie.
Noudat jy die voordele van ‘uit die slaapkamer praat’ met ‘n vertroulike vriendin ken, moet ek jou ook inlig oor die potensiële slaggate, en ook waar om die lyn te trek:

1. Wees versigting om nie jou man se karakter en integriteit af te breek terwyl jy jou gevoelens ontlaai nie.

2. Ek glo aan ‘n intieme huwelik waar man en vrou naak voor mekaar staan (Genesis 2:25). Wat dit beteken, is dat daar geen geheime heers tussen ‘n paartjie nie. Só iets kom altyd uit en dan is dit nie net dit wat jou man moet verwerk nie (mans in baie skamer oor hul seksualiteit as vroue!), maar ook die leun.

3. As jy jou man toestemming gee om ook sy seksuele frustrasies met sy vertroulike vriend(e) te bespreek, sal hy dalk meer inskiklik wees oor jou openhartigheid teenoor jou vriendinne.

4. Onthou egter: Niemand mag gesels as julle nie eers self met mekaar daaroor gepraat het nie.

Om met jou vriendin te gesels, gaan jou dalk beter laat voel, maar dit gaan nie jou seksprobleme oplos nie. Die enigste oplossing is om oop en eerlik met jou man te gesels. Sodoende sal jul huwelik groei.

Stuur jou vrae na timothy@gesondeseks.co.za

Voorbereiding vir die huwelik


Timothy,
Voorbereiding bring voorspoed… het die een oom ‘n gesegde in ons gemeente! En hoe meer ek daaroor wonder hoe meer word ek gekonfronteer oor my perspektief op wat voorbereiding behels,..
i. Wanneer begin ek my voorbereiding? (Timothy party ouens dink voorbereiding hanteer net die trou reëlings, die res sal ek uitwerk soos krampe terwyl ek loop, help asseblief!)
ii. Wat kwalifiseer my as die perfekte maat, is die kriteria vir gereedheid ouderdom en dies meer?
iii. Onthale en rokke vs reinheid en romanse, wat is die verhouding (Parts in relations to?)

Antwoord:
i. Niemand pak enige iets groots aan sonder die nodige voorbereiding. Jy mag dit dalk net net maak sonder die nodige voorbereiding, maar jy sal nooit wen of goed doen nie.

• Die kanse dat jy mr right dadelik gaan ontmoet, en dadelik verlief raak ens is min
• Jy het ‘n beter kans om in iets te hardloop en seer te kry. Hand op wie al seer gekry het in ‘n verhouding?
• Kom ek vertel vir jou wat het ek gedoen toe ek met Janet uit gegaan het om ons voor te berei vir die huwelik.

1. Ons het oor belanrike dinge gesels wat baie keer tot argumente gelei het
2. Ons het niks onder die mat in gevee nie, soms net vir ‘n rukkie laat af koel
3. Nie toe gelaat dat ons fisiese liefde oorneem oor ons vriendskap en commitment liefde nie
4. Gereeld met vriende en familie gekuier. (Idea inplaas van saambly)
5. Gereeld vir mekaar gevra hoe kan verbeter

• Teen die tyd toe ons trou het ons presies geweet wie ons maat is en wat om te verwag.

ii. Sjoe, my skoonpa het vir my persies dieselfde vraag gevra toe ek sy dogter vra om te trou toe ek net 20 jaar oud was.

• Het ek God se vreude oor my verhouding met Janet?
• Het ek genoeg geld om vir haar te sorg?
• Is ek volwasse genoeg om ‘n man te kan wees? (Al was ek te jonk om ‘n wettiglike dokument teken nie 😉

iii. Elke vrou het ‘n begeerte om met ‘n wit rok by haar troue af te stap. Mans moet hiervoor luister en dit respekteer.

• Maar vir baie is die uiterlike beeld wat hulle vir die publiek wys meer belanrik as wat regtig in hulle verhouding aangaan. Dan gaan geen wit rok, ring aan jou vinger, sny van die trou koek enige iets vir jou beteken nie.

• Wees eerlik met jouself en met jou maat en laat julle ware verhouding mense beindruk nie net die mooi tradiesies nie.

RAAD OOR IMPOTENSIE


RAAD OOR IMPOTENSIE
Stuur jou vra na timothy@gesondeseks.co.za

Hi Timothy

Ek en my man het nie huweliksprobleme waarvan ek kan kla nie maar, ons het probleme in die slaapkamer. Hy dink nie so nie, maar dis vir my ‘n probleem. Hy sê dat seks nie vir hom belangrik is nie, dis nie waaroor die huwelik gaan nie. Ek stem, dit is nie waaroor die huwelik gaan nie, maar dis tog ‘n baie belangrike deel van die huwelik. Hy sal 3 weke en langer laat verby gaan waarin hy nie eers ‘n poging aanwend om seksueel te verkeer nie, ek het dit getoets, geen aanleiding gegee nie om te kyk hoe lank sal hy daarsonder bly. Dit is seker nie die regte ding om te doen nie, maar dit laat my voel of ek nie begeerlik is nie. Ek was baie oorgewig maar het nou 16kg verloor, maar dinge het nie verbeter nie, ek het gedink dit is a.g.v. die oorgewig dat hy nie belangstel nie.

Ek het al met hom gepraat daaroor, die ‘ek voel-begrip’ gebruik, maar dit het nie veel gehelp nie. Hy is nog deeltyds in die weermag, en was onlangs vir ‘n mediese ondersoek wat deur die weermag vereis word. Hy is ‘n roker en die dokter het vir hom gesê dat hy die rook moet los, maar hy doen ook nie dit nie. Ek vermoed dat die feit dat hy rook veroorsaak dat hy dalk tot ‘n mate impotensie het, hy kan byvoorbeeld nie die daad voluit doen nie, dan raak hy pap, as ek dit so kan sê.

As ek die email teruglees dan lyk dit of ek en hy probleme het, maar miskien kan jy raad gee. Ek kan my nie indink om by enigiemand anders seksuele bevrediging te kry nie, ek is lief vir hom en is aan hom verbind met die verbond van God.

Ek stuur nou maar die mail, al praat jy my net moed in, want ek sien nie ‘n oplossing vir die probleem nie, hy is maar erg hardkoppig, of is alle mans maar so, ek praat nie graag oor goed tussen ons wat my pla nie, ek wil nie ‘n druppende kraan wees nie. Ek hou nie daarvan om te kla nie, mans kla so maklik oor hulle vroue wat gedurig kla oor goed wat nie reg is nie. Ek maak iets reg as dit verkeerd of stukkend is, maar hierdie een is vir my ‘n tameletjie.

Baie dankie vir jou aandag
Groete
Anoniem

Hi Anoniem
Dankie vir die vrymoedigheid wat jy neem om vir my te email, ek weet dit is nie altyd maklik om oor ‘n mens se seksuele probleme te praat nie.
Maar ek wil verseker vir jou moed in praat!

Ek sal dink dat die grootste probleem van jou man se lae libido “sex drive” is gewortel in die verleentheid wat sy impotensie vir hom bring. Vir ‘n man is impotensie amper net so goed soos selfmoord. Mans het baie sterk identities’-ankers in hulle seksualiteit en vermoë om deur vrouens
seksueel begeerbaar gevind te word.

En met impotensie val baie van die man se manwees, selfbeeld en seksuele-identiteit weg.
En deur om seksuele situasies te vermei (in jou geval 3 weke sonder enige seks) hoef hy nie sleg te voel oor sy impotensie nie, want hy keer homself om in die eerste plek daar te gaan.

En ja, ek stem 100% saam met sy dokter oor die rook. In seksuologie het ons ‘n spreekwoord wat sê “Met elke sigaret wat jy opsteek val een ereksie plat”
So hoe meer jy rook, hoe meer ereksies gaan jy verloor en hoe groter die kans vir impotensie.

Daar is pille op die mark wat sal kan help met impotensie, maar om oor te skakel na ‘n gesonde dieet en leefwyse is baie beter. Dit sal goed wees as jou man terug gaan na sy dokter toe om te gesels oor sy impotensie en dalk ‘n voorskrif te kry.

Dit is nou op ‘n biologiese vlak, en op ‘n emosionele vlak kan jy vir hom laat verstaan dat jy 100% okay is met sy impotensie, dat hy nie minder van ‘n man is vir jou nie, maar vir eers sal dit ‘n goeie ding wees as jy nie meer elke dag vir hom vra vir seks nie. Hierdie gaan net meer druk op hom sit, waarvan hy net sal wegskram. Sit hom neer en sê vir hom dat jy graag wil seks het met hom, maar jy gaan vir hom spasie gee om nie meer so onderdruk te voel nie.

En op ‘n seksuologie praktiese vlak, kan julle die ‘wil hê’ deel ‘n bietjie aanpas.
In plaas van penetrasie-seks, fokus julle eerder op sensuele-seks of speel-seks.
Eksperimenteer met orale seks, masturbasie, erotise tas en massering, fantasie uit-speel, koop vir jou ‘n ‘nurse outfit’ of wat ook al hy van hou en jy in gemaklik is. Dit is belangrik dat jou man vooraf weet dat wanneer hy nou met jou vry, gaan dit nie eindig in seks nie. Bly weg van penetrasie-seks vir ‘n tydperk wat julle op saam besluit, en geniet ‘tiener-seksualiteit’ weer waar jy kreatiewe manier vind om mekaar te geniet sonder om saam te slaap.

Hou aan om oor die onderwerp te gesels tussen julle twee, sonder om soos ‘n druppende kraan te klink, (soos wat jy dit so mooi gestel het). Verstaan, vir hom is impotensie seksuele identiteit selfmoord.

MAAR dit hoef nie te wees nie, want omtrent alle mans gaan een of ander tyd in hulle lewe met ‘n fase van impotensie sukkel. DIT IS NORMAAL. Maar ons moet probeer om dit net by ‘n fase te hou. As dit kronies word kan dit ‘n groot probleem veroorsaak in die huwelik.

Ek hoop ek kon vir jou moed in praat en tog genoeg vertel dat dit ‘n area is wat aangewerk moet word.
Daar is nog BAIE ander aspekte wat ‘n rol sal kan speel in jou man se ‘lae libido’ en impotensie en sonder om met hom te gesels en vrae te vra kan ek ongelukkig nie meer spesifiek vir julle help nie.

So hier is wat ek voorstel julle moet doen:
* Hou aan gesels oor julle seksualiteit
* Maak ‘n afspraak by die dokter en kry medikasie wat sal help met die impotensie
* Moenie so baie penetrasie-seks gefokus wees nie, fokus op sensual en seksuele “speel” meer
* As daar ‘n naby seksuoloog of seksualiteit berader is, sal dit goed wees om vir so paar sessies saam te gaan.

Alle sterkte en julle is meer as welkom om vir my enige iets nog te vra of om nog “speel”-seks ideas te kry.

Gesonde Seksualiteit
Timothy Kieswetter
http://www.gesondeseks.co.za

Stuur jou vra na timothy@gesondeseks.co.za