My man masturbeer, so wat is fout met my?


MasturbeerElke persoon wat sy anoniem vraag in stuur na ons Gesonde Seks Facebook blad dink hulle storie is uniek en net hulle man of net hulle vrou doen dit of dat. Ons wat almal se unieke stories en vrae lees, kom baie vinnig agter almal se huwelike gaan maar op een of ander stadium deur dieselfde dinge.

Een van hierdie ontnugterende dinge wat elke vrou (99.9%) iewers in haar huwelik sal deur gaan is wanneer sy haar man vind besig om te masturbeer, of in die stort of op die bed. (Ek praat nie nou van die masturbeer voor die rekenaar of selfoon nie. Daardie tipe porn-masturbasie verdien ʼn artikel van sy eie. Vandag se artikel gaan slegs oor die porn vrye masturbasie.)

Dit is ʼn mite dat mans net kan masturbeer terwyl hulle porn kyk. Hierdie is nie waar nie en die meeste mans ruk en pluk sommer met hulle oë toe.

Die stort is die algemene plek waar vrouens hulle mans vang masturbeer, want dit is een van die man se gunsteling masturbeer plekke. (Dames moenie te omgekrap word nie, weet darm jou man se genitalieë is skoon gewas. 3 minute op een plek was, is goeie higiëne.)

Maar so normaal soos wat dit vir die man dalk is (hierdie stort masturbasie kom al van sy puberteitsjare)  is dit ʼn groot skok vir die vrou. Die gevoelens en emosies wat die vrou beskryf wanneer sy haar man vang met sy piesang in die hand is een van verwerping, seer, verbreekte vertroue, jaloers, kwaad, hartseer, verkleinering, voel nie goed genoeg nie, voel verneuk, ens.

Al hierdie gevoelens is geldig in die sin dat dit is wat die vrou op daardie oomblik voel. Maar soms word ons gevoelens bepaal deur mites en taboes en nie deur realiteite en feite nie.

Mites en taboes wat die vrou laat voel daar is fout met haar as sy haar man vind op sy eie masturbeer:

#1           Soulmate mite

Soulmate is ʼn term wat opgemaak is sodat ons die soulties kan breek van vorige seksuele maats en die persone in die verhouding  seksueel eksklusief probeer  hou. Alhoewel die twee doele met hierdie soulmate mite mooi en reg is, glo ek die metode om by daardie doele uit te kom is foutief

Sien nêrens in die Bybel lees ons van soulmates of soulties nie. Dit is wel moontlik dat twee mense so intiem kan wees dat hulle meer as net hulle liggame deel, maar ook hulle siele. Enige gewone seks maak nie twee siele een nie. Sulke intimiteit is skaarser as hoendertande.

Ons het die konsep van soulmates gebruik om liefde en seks sinoniem aan mekaar te koppel. Ek het seks met die persoon wie ek lief het en ek is lief vir die persoon met wie ek seks het. Weereens in beginsel stem ek saam en in ʼn ideale wêreld sal dit so wees.

Dit is juis as gevolg van hierdie konneksie tussen die seksuele en liefde wat vrouens verneuk voel wanneer hulle hul mans vind masturbeer (seks hê met hulleself) sonder hulle. Die default reaksie van die vrou is “Maar dis hoekom ek hier is” of “Vind hy my nie meer seksueel begeerbaar nie?”

Met hierdie twee default reaksies wat gegrond is in die soulmate mite (liefde = seksualiteit) kan ons verstaan hoekom die vrou voel soos sy voel wanneer sy ontnugterd word oor haar man se solo-spel.

Liefde en seksualiteit is twee verskillende dinge. (Dit is ideaal en goed as dit saamwerk, maar die is nie gelyk aanmekaar nie.)

Liefde in hierdie konteks kan ons opsom as ʼn keuse. Ek het gekies om met jou te trou en saam met jou te lewe, saam met jou ʼn gesin te begin en saam met jou oud te word. Liefde = keuse.

Seksualiteit in hierdie konteks kan ons opsom as ʼn lus. Ek is nou lus vir ʼn orgasme. Ek is nou lus om aan myself te vat. Ek het lus om lekker te kry. (En ja dames mans kan lus raak sommer sonder enige goeie rede. Wanneer die vrye testosteroon in sy bloed opbou en te veel raak, gaan hy lus raak.)

 

#2           Seksuele openlikheid

Genesis 2:25 praat van die man en sy vrou wat albei kaal staan voor mekaar en geen skaamte ken nie. (Dis die ideaal.) Maar ongelukkig is die meeste paartjies so toe geplak met hulle vyeblare dat hulle nie aan hulle maat al hulle seksuele begeertes, fantasieë en aktiwiteite deel nie. (As gevolg van die vrees dat sodra my vrou uitvind ek het ʼn lus om nog te masturbeer, al geniet ek seks met haar en vind haar lyf begeerbaar, dat sy my skaam en skuldig gaan laat voel oor wat ek gedoen het.)

Omdat hierdie ʼn geheim bly en die vrou heel toevallig haar man vind masturbeer, voel dit asof haar man vir haar gelieg het. Hy steek iets weg. Hoe lank gaan hierdie verneukery nou al aan. En haar hele wêreld val in mekaar.

Dit is nie die maklikste ding om kaal te staan voor mekaar en mekaar nie skuldig of skaam te laat voel daaroor nie, maar om geheime te hou gaan die gevoelens van verraad net soveel groter maak, wanneer dit wel eendag gaan uitkom.

 

#3           Masturbasie is ʼn vreemde konsep vir baie vrouens

Mans masturbeer al vanaf hulle puberteitsjare en vir die meeste het dit  ʼn maandelikse, weeklikse, daaglikse roetine gewond. Daar is niks daarmee fout nie. Die meeste van ons eet drie maal ʼn dag want ons het dit nodig, dit is goed vir ons en ons het lus om te eet.

Moenie vergeet ons is ook seksuele wesens en dit is gesond vir ons om daardie seksuele lus en begeertes na op te sien. Masturbasie is by vêrre die veiligste en maklikste manier om seksueel te ‘eet’.

Net omdat ek voel hier is ʼn paar mense wat nou al so met my verskil, sal ek die volgende verdere vergelyking maak met eet en masturbasie. Al eet ek driemaal ʼn dag, wat niemand snaaks van my gaan dink nie, is dit ʼn sosiale aanvaarbare ding om te doen. Maar die oomblik wanneer ek nie meer tevrede is om my eie kos te eet nie en ek begin ander mense se kos te eet, dit is die oomblik wanneer my eetlus  ʼn oorhand oor my gekry het.

Netso is masturbasie ʼn veilige en veronderstel om ʼn sosiale aanvaarbare ding in die privaat te wees, maar die oomblik wanneer ek my seksuele lus op iemand anders forseer, dan is ek besig om trauma en abuse te veroorsaak.

Manlike masturbasie is dalk nie ʼn goedgekeurde aktiwiteit nie, maar word tog aanvaar deur die meerderheid dat die meeste mans dit tog doen. (Boys will be boys)

Maar wat van vroulike masturbasie?

Verbeel jou jy vind jou tiener seun besig om te masturbeer. Hoe reageer jy?

Nou verbeel jou jy vind jou tiener DOGTER besig om te masturbeer. Hoe reageer jy?

Die meeste mense sal heeltemal anders reageer as dit hulle dogter is want meisies mag dit nie doen nie. Die seksuele taboe is baie meer op die vroulike seksualiteit as wat dit op die manlike seksualiteit is.

Dit is ʼn groot probleem want die vrou gaan deur haar puberteitsjare en baie van hulle gaan deur hulle hele huwelik sonder om een keer aan hulle self te vat en die plesier van ʼn orgasme te beleef. So masturbasie is so taboe en verwyder van haar gedagtes dat wanneer sy uitvind van haar man se masturbasie roetine, is dit iets wat vreemd en onbekend is tot haar.

Dit is ʼn gewilde afleiding wat voel: “Omdat ek dit nie doen of lus het vir dit nie, is jou lus vir dit en jou masturbasie abnormaal.”

So ten slote.

  • Masturbasie is gesond en normaal en voordelig vir beide die man en vrou. Getroud of enkel.
  • Jou maat se masturbasie is nie ʼn bewys dat hy aan iemand anders dink of nie meer van jou hou nie.
  • Jou maat se masturbasie is nie ʼn teken dat seks met jou is boring nie.
  • So in plaas van om jou maat skuldig en skaam te laat voel oor sy naaktheid, begin om hom te verstaan en aanvaar vir die seksuele testosteroon gevulde man wie hy is.
  • En asseblief begin om jou eie seksuele godin wat in jou dormant lê te ontdek deur om met jou eie masturbasie roetine te begin.

Hoekom blommetjies en bytjies gevaarliker is as penisse en vaginas


Die naakte feite

In die volgende paar maande met die aanloop van my nuutste seksvoorligtingboek “Die Naakte Feite” wat uitgegee word deur CUM uitgewers, gaan ek al hoe meer begin skryf oor gesonde seksopvoeding vir ouers met kinders.

(Die boek sal Feb `14 beskikbaar wees.)

(HIER IS DIE BOEK NOU – BESTEL HOM HIER)

Een van my goeie vriende het nog altyd gewerk onder die jeug en hy sê altyd mens kry nie iets soos ‘n probleem tiener nie, net probleem ouers.

Ek wil dieselfde sê oor seksualiteit. Mense kry nie kinders vir wie seksualiteit sies, skaam, lelik en vuil is nie, net konserwatiewe ouers.

Ons moet begin om te verstaan dat seksualiteit, begin in elke kind as skoon, heilsaam, rein, mooi, opreg en gesond. Daarom sal jy kinders vind wat dit lief om kaalbas deur die huis te hardloop. Dat nadat hulle geleer het om self op die pottie te sit, sal hulle vir almal uitnooi om te kom kyk en sodra jou seuntjie leer dat hy iets het wat meisies nie het nie, sal hy sommer voor al jou kuiergaste met al die trots in die wêreld die publieke aankondiging maak, “Kyk, ek het ‘n tottie.”

Iemand het eendag vir my gesê, hy wens dat sy kinders verewig onskuldig sal bly.

Onskuldig? Ja ek bid dit ook vir jou kinders, maar Naïef? Nooit.

Vandag se gedagte oor gesonde seksopvoeding vir ouers met kinders, wil ek net fokus op die titel wat ons aan hierdie gesprek koppel.

“Die blommetjies en die bytjies.”

Nou ek studeer seksuologie nou al ‘n lang ruk en ek verstaan nog steeds nie, waar op aarde hierdie blommetjies en bytjie vandaan kom en hoe dit sin maak nie. Ek weet bye steek, en blomme het stampers, maar meer as dit maak dit nie vir my sin nie. Die twee is nie eers dieselfde spesies nie.

Die Engels is dalk ‘n bietjie nader met “The birds and the bees”, nog steeds nie dieselfde spesies nie, maar darem kan al twee saam weg vlieg.

Moenie jou kind se intelligensie onderskat nie. Hulle gaan agterkom wanneer jy vir hulle lieg. En hoe meer hulle voel jy probeer iets wegsteek hoe meer nuuskierig gaan jy hulle maak.

Daarom as jy vir jou kind die heeltyd stories oor blommetjies, bytjies en voëls vertel gaan jy die kind baie meer nuuskierig maak oor die penis en die vagina.

Maar as jy van die begin af vir jou kinders leer dis ‘n penis en dis ‘n vagina, en vir hulle leer ‘n mens kan normaal oor seks praat sonder om skuldig te voel of skaam te kry, sal nuuskierigheid verminder, want hulle voel nie jy steek iets vir hulle weg nie.

(Glo my nie, dis okay. Doen hierdie eksperiment met jou kind. Neem daardie sjokolade wat jou kind so dop hou die hele dag en gaan in die kamer en steek dit weg. Kom uit sonder die sjokolade en jou kind sal dadelik vir jou vra, waar is dit? Moenie jou kind antwoord nie. Gee vae antwoorde soos wat jy nou sou doen met die blommetjies en bytjies. Los jou kind alleen, en kyk wat maak hy! Verseker die eerste geleentheid wat hy gaan kry, is hy in jou kamer en op ‘n soektog na daardie sjokolade, want hy weet jy lieg vir hom, hy weet jy steek iets weg, en omdat jy nie hom eerlik en opreg en sonder skaamte geantwoord het nie, het jy hom net meer nuuskierig gemaak waar daardie sjokolade is.)

Kyk ‘n bietjie na hierdie video clip wat mooi illustreer hoe naïef-wees, jou meer nuuskierig gaan maak. Let op die ou wat wel weet wat aangaan, minder nuuskierig is. (en minder creepy)

As jy nog nie die boek bestel het nie, doen dit hier: www.gesondeseks.co.za

 

Sosialemedia: Die nuwe skelmpie in elke verhouding!


Online-Affair_71935402Sosialemedia: Die nuwe skelmpie in elke verhouding!

Sosialemedia, is nie meer net iets wat ons doen om inligting te kry of hoe ons kommunikeer nie, dit het deel van ons identiteit geword, hoe ons onsself sien, uitdruk en met ander verkeer. Die vraag is nie of sosialemedia goed is vir ons nie, want ons het nie meer ʼn keuse in die saak nie, dit is klaar deel van ons DNA. Die vraag is het ons al geleer hoe om dit te beheer?

Die voordeel van tradisie is dat dit die volgende generasie met een hand terughou om nie blindelings om die draai van progressie te jaag nie. Al hoewel ons nie vasgevang kan bly in ons voorouers se gewoontes (tradisies) nie, help dit ons tog om aan ons morele waardes en sosiale etiek vas te hou totdat ons nuwe waardes en etiek as ʼn samelewing ontwikkel sonder dat dit eindig in ʼn tipe van hippie “free-love” era nie. (Ons het gesien hoe die samelewing weer terug trek van daardie “free-love” era om sy voete te vind in werkbare sosialeaanvaarde “post-AIDS-era” norms en beginsels.)

Maar met die snelheid wat Sosialemedia homself ingewurm het in letterlik elke deel van ons lewens, moet ons die vraag vra, het ons morele waardes, rasionele denke, sosiale etiek, gesonde verstand en werksame verhouding beginsels, agter gebly?

En omdat my fokus op Gesonde Seks is, kan ek met baie sekerheid die bogenoemde vraag beantwoord met ʼn harde en duidelike: “JA! Ons etiek en sosiale reëls het nog nie vinnig genoem ingehaal met Facebook, Twitter, Whatsapp, BBM, en online chat nie.”

Die affairs gebeur nie meer in die werksplek nie.

Die sekswerkers word nie meer op die staathoeke opgetel nie.

Die strippers word nie meer besoek op werk-naweek-trips nie.

Dit is nie meer jou jaloerse beste vriendin/vriend wat jou man/vrou wil steel nie.

Ons offer sommer onsself vrywilliglik op die sosiale-altaar om geslag te word!

Sosialemedia het die nuwe skelmpie geword in elke verhouding.

Die rede hoekom die meeste van ons nie die gevaartekens al kan raak sien nie, is omdat die nuwe sosialemedia nie enige van ons ou tradisies breek of verhoudings etiek oorskry nie. (Totdat dit te laat is)

  • Daar is mos nie ʼn reël wat ʼn man keer om met die teenoorgestelde geslag te praat by sy werk nie.
  • So hoekom moet hy nou skuldig voel as hy ʼn whatsapp gesprek het met ʼn vrou wie hy nog nooit eers ontmoet het nie?
  • Daar is mos nie ʼn reël wat ʼn vrou keer om langs haar man in die bed te lê en ʼn sappige liefdes roman te lees nie.
  • So hoekom moet sy nou skuldig voel as sy deur iemand se Facebook News Feed lees, langs haar man in die bed?
  • Daar is mos nie ʼn reël om by jou beste pelle af te pak oor jou frustrasies in jou verhouding nie.
  • So hoekom moet ons skuldig voel om ons probleme te begin met ʼn # en dit te Tweet?

Ons nuwe manier van menswees het nie saam met gesonde, verstaanbare en getoetste etiek en reëls gekom nie. En die ou reëls, tradisie, etiket en morele waardes het nie sosialemedia in gedagte gehad toe dit in ons samelewing aanvaar was as die norm nie.

Op my Gesonde Seks Facebook blad wat nou 30 000+ aanhangers het, sien ek op ʼn daaglikse basis hoe sosialemedia haarself dieper en dieper in wurm as die skelmpie in elke verhouding.

Maar niemand van ons sien dit as ʼn skelmpie nie, want ek het nog nie seks gehad met die persoon nie, redeneer ons!

Wat is ʼn foto nou stuur, heen en weer?

Wat is ʼn bietjie los praat, nou eintlik?

Wat is so bietjie aandag soek, so vreeslik?

Wat is so bietjie emosionele support, nou verkeerd?

Wat is so bietjie deur foto albums scroll, nou regtig?

Wat is ʼn friend accept, like, share, follow en poke, nou werklik?

Wat is die 24 uur aangeskakelgeid, ʼn probleem?

Nee, ek weet nog nie. Niemand van ons doen nie. Maar wat ek wel weet is my inbox loop oor en my beradingsdagboek is propvol, waar sosialemedia die skelmpie is.

Hier is een van die vrae van anoniem wat ek net vanoggend ontvang en antwoord het.

“Beste Timothy,

Ek is nou in die 8ste maand van my swangerskap met net ‘n paar wekies oor. Dit is my 2de baba en ons, veral my seuntjie sien baie uit. Dit was nie die maklikste swangerskap nie en toe vind ek op 7mnde uit my man ‘praat’ seksuele praatjies op verskeie websites en whatsapp met ‘n hele paar vrouens.

Hy se dit was onskuldig en het skuld aanvaar en erken. Ek weet nie hoe om oor die seer van die situasie emosioneel en in die slaapkamer te kom nie. Dit was nogals ‘n skok omdat hy een van daai wonderlike mans is wat jy dit nie van sal verwag nie. Ek het nooit gedink so iets sal met ons gebeur nie. Ek is maar 28 en hy 33.

Het jy dalk enige raad vir my.”

Hier is my antwoord vir haar.

“Eerstens, baie geluk met jou amper klaar swangerskap.

Daar is niks wat ek sal kan sê wat die seer en skok sal kan wegneem nie, behalwe om vir jou te sê dat dit ‘n baie algemene probleem is nie net onder mans nie, maar vrouens ook.

Dit begin baie onskuldig met lekker chats, en voordat ons onsself weer kan kry, is daar ‘n seksuele aspek.

Die rede hiervoor is nie omdat daar noodwendig fout is met die huwelik nie of omdat jou man nie meer gelukkig met jou nie, maar eerder net omdat ons wêreld rondom ons verander het.

Ons sosiale tegnologie het so vinnig ons lewens oorgeneem, dat ons nog nie mentally weet hoe om dit te beheer nie.

Ons het nog nie ‘n gesonde sosiale aanvaarbare etiket ontwikkel oor wat is gesond en ongesond by sosialemedia nie.

Jou man het dit nie aspris gedoen nie, hy het net in die sosialemedia lokval geval, want daar is nog geen duidelik waarskuwing tekens of reëls om hom daarvan weg te stuur nie.

Ek stel voor julle stel saam Sosialemedia huisreëls op vir julle wat julle al twee veilig in voel sonder om julle vryheid te beïnvloed nie.

Ek glo dit sal ʼn goeie begin wees.”

Toe ek en Janet begin het met Gesonde Seks op Facebook toe moes ons vinnig-vinnig reëls neerlê, want geen van die gesonde beradings etiket het die nuwe uitdagings van sosialemedia aangespreek nie. En ons albei het ons tone in warm water gedruk.

Maar omdat ons nie bereid is om naïef deur die lewe te gaan nie of om alleen deur die lewe te gaan nie, het ons saam gesit en ons eie “Timothy en Janet Sosialemedia Huisreëls” gemaak waarmee ons albei saam op besluit het en afgeteken het op, en by gebly het. (Want wie kan met vuur speel en nie brand nie?)

En hierdie Sosialemedia Huisreëls van ons word gereeld opdateer en hopelik sal ons en julle morele waardes, sosiale etiek, aanvaarbare en werksame verhoudings weer sy voete vind in die digitale sosialemedia era.

online-affair-1

Maak seker jy lees ook my vorige artikel oor Sosialemedia Affairs.

Hier’s my probleem met die “SEKS VOOR DIE HUWELIK AS SONDE” boodskap


nosex

Nou dat ek almal se aandag het, wil ek net die artikel begin om te noem dat ek ook glo dat die veiligste plek vir seks om plaas te vind is in ʼn gesonde huwelik. En ek dink ook daar is baie onnodige seer en hartseer betrokke in ‘casual sex’.

Wat ek egter nie mee saam stem is die manier HOE die kerk hierdie boodskap van gesonde seks in die huwelik oor die jare oorgedra het en steeds mee volhou.

Ek is al baie lank van die opinie dat die “SEKS VOOR DIE HUWELIK AS SONDEno sex before marriageboodskap nie werk nie. Jy mag dalk vir my wil sê:

“Maar dit is wat die Bybel sê.”

“Moenie God se standaard verlaag nie.”

“Sonde bly sonde.”

Jy hoef nie. My ore tuit alreeds!

As ons regtig-egtig so hard glo dat dit beter is om te wag met seks totdat ons getroud is en dat ons in hierdie besigheid (kerk/Christenskap) is om mense te help, maak dit dan nie sin om alles in ons vermoë te doen om die mense te help om so maklik as moontlik die boodskap te neem en te volg nie? Ek dink aan die spreekwoord, jy kan meer vlieë vang met ʼn bietjie heuning as met baie asyn.

Maar ongelukkig is asyn vir baie jare, generasie en eeue al deel van die godsdienstige juk wat op mense geplaas word. “Draai of braai, boeta!” (Of is dit in hierdie geval “Knyp of buk, sussa!”?)

Is Jesus se onvoorwaardelike liefde, nie ʼn sterk genoem boodskap van oortuiging nie?

Wil nie almal gesonde en lewens van oorvloed geniet nie?

En as ons regtig-egtig glo ons as Christene het die antwoord tot so ʼn lewe, (en ek glo werklik ons het), dan moet ons mos uit ons pad uit gaan om Jesus se woorde in Matteus 11:30 te ego:

“Want My juk sal sag op julle skouers rus en my las is lig om te dra.”

Ek sien nie die vingerswaaiende-Bybel onder die arm-draai of braai Jesus hier nie.

Ek sien ʼn Jesus wat die mens verstaan.

Ek sien ʼn Jesus wat die mens lief het.

Ek sien ʼn Jesus wat die mens wil lei, met sagkens en teerheid.

Ek sien ʼn Jesus wat met elke individu ʼn verhouding mee wil aanknoop, inplaas van om net die hemel vol te wil maak.

Ek dink daar is ʼn BAIE beter manier om mense te kry om langer te wag met seks as die baie oneffektiewe vingerswaaiende-Bybel onder die arm-seks voor die huwelik is sonde boodskap.

Maar voordat ek enige aandag kan spandeer aan die nuwe manier, moet ons eers saam stem dat die huidige manier van doen, werk nie.

En hier is hoekom dit nie werk nie. (Wel een van die redes!)

In my navorsing oor die Afrikaanssprekende Christen se seksuele belewenisse, vind ek ʼn effens konserwatiewe blanke dame tussen die ouderdom 35-44. Sy is getroud in haar eerste huwelik. Afrikaans is haar huistaal en sy is lidmaat aan die NG Kerk.

Hier is haar antwoord op my navorsingsvraag:

V: “Watse rol het jou geloof gespeel ten opsigte van jou seksualiteit?”

A: “Die Here het gesê dat seks slegs plaasvind as jy getroud is en omrede dit alreeds voor my huwelik plaasgevind (verkrag en molestering) het dit vir my gevoel asof ek nie meer ʼn kind van God is nie.”

Gee dit so ʼn oomblik om in jou hart te gaan lê.

Het dit jou al getref?

Voel jy die ‘heaviness’ van haar woorde?

Dit suig al die lewe uit jou uit!

Iewers het ons as kerk en Christene hierdie middeljarige Afrikaanssprekende Christen ʼn groot onreg aan gedoen. JA – ONS! Nie haar verkragters en molesteerders nie. Ek en jy. Haar broers en susters in die geloof. Ons het haar laat voel dat sy NIE MEER KWALIFEER OM ‘N KIND VAN GOD TE WEES NIE.

Nie as gevolg van watse erge verkeerd aan haar gedoen was nie, MAAR AS GEVOLG VAN HIERDIE VERDOMDE BOODSKAP VAN SEKS VOOR DIE HUWELIK AS SONDE.

no-sex-before-marriage-with-textSy het groot geword dat die mees belangrikste ding in haar lewe is haar maagdelikheid!

Sy het groot geword dat die grootste sonde wat sy op hierdie aarde kan doen is om nie as ʼn maagd te trou nie.

En hierdie twee beginsels is oor en oor in haar ingedril met die woorde “GOD Sê” en “DIE BYBEL Sê”.

Waar is die sagte juk?

Waar is die ligte las?

Waar is die sagkens?

Waar is die teerheid?

Waar is die arm om die skouer?

Waar is die ween saam?

NEE, al wat sy kry is ʼn vingerswaaiende-Bybel onder die arm-Seks voor die huwelik is sonde.

Ons kan nie verwag dat mense die mooi in seks gaan kan raak sien as die kerk 9/10 keer die klem lê op die sonde nie.

Dit is soos om vir jou kind te leer van gesonde eet gewoontes en al wat jy vir hom sê, gil, skree en indril: “MOENIE JOU KOS OP DIE GROND GOOI NIE!”

Asof dit die kind gaan enige iets positief leer van gesonde eet gewoontes?!

Dit gaan die kind net baie nervous maak wanneer hy saam met jou aan tafel sit en eet.

En bewaar sy siel as hy ooit iets op die vloer mors. Dalk val die vurk, of iemand stap verby en stamp hom en kos val op die vloer.

Die kyk in daardie kind se oë.

Die gevoel in daardie kind se hart.

Die selfbeeld en selfvertrou van daardie kind,… WEG!

Net soos wat ons middeljarige Afrikaans dame gevoel het toe sy kos op die vloer gemors het, per ongeluk! Dat dit haar outomaties diskwalifiseer om by haar VADER se tafel aan te sit.

Wie is ek of jy om mense te diskwalifiseer om aan ons VADER se tafel te sit, as Jesus self nie eers enige iemand diskwalifiseer nie?

Wanneer gaan ons snap dat dit nie is WAT ons sê nie, maar HOE ons dit sê wat die verskil is tussen

Wet en Genade

Dood en Lewe

Sonde en Geregtigheid

Maar hier is die kruks van dit alles. Hier is die stopblok.

Die meeste van ons hou hardkoppig aan glo wat ons hardkoppige voorouers vir ons geleer het oor seksualiteit en spiritualiteit.

Ons sal nie mense soos hierdie middeljarige Afrikaanssprekende NG Kerk-gaanende dame kan help totdat ons nie self ons eie harte ondersoek en ons eie Seks IQ verhoog en gesond kry nie.

So wat van ons leer die mense ʼn nuwe beginsel oor seks voor die huwelik?

Dat daar is een ding wat belangriker is as jou maagdelikheid!

…EN DIT IS JY!

Om meer te lees oor wat ek as Gesonde Seks beskou en wat ek uit die Bybel kry oor seksualiteit, gaan kry my boek “Wat Adam my van Seks geleer het” vanaf ons aanlyn boekwinkel:

http://www.gesondeseks.co.za/index.php/boeke

Die lank en kort van penis vergroting.


david statue

Kom ons begin by die begin. Is die grootte van ʼn man se penis regtig so ʼn belangrike saak?

Ja en nee. Dit speel ʼn verskriklike groot rol maar ook nie regtig nie. Kom ek probeer my verduideliking so kort as moontlike te hou, terwyl ek dit probeer langer uitrek.

Studies het gewys dat 85% van vrouens is wel tevrede met hulle man se penis grote, maar slegs 55% van dieselfde mans is tevrede met hulle eie grootte.

So die grootte van jou meneer maak nie vir jou vrou soveel saak nie, maar wel vir jouself. (Hou net in gedagte as jy dalk “hang” soos wat jy graag so wou gehang wees, is daar ʼn baie goeie kans dat jou vrou die berge in sal hardloop wanneer sy jou sien.)

Maar omdat ʼn man se ego, manlikheid en seksuele lus direk gekoppel is aan sy beeld van sy penis, maak die grootte wel saak.

Om voort te gaan moet ons na drie kante van hierdie ding kyk.

1)      Hoe groot die penis van die man is wanneer ons dit met ʼn liniaal meet. (Nee, moenie een gaan haal nie.) (Biologiese-grootte)

2)      Hoe groot die penis vir die man voorkom. (Sielkundige-grootte)

3)      Hoe groot is die funksie van die man se penis. (Funksionele-grootte)

1)      Biologiese-grootte

As jy gehoop het ek het oefeninge wat jou biologiese-grootte van jou penis gaan vergroot, mag jy dalk teleurgesteld wees. Jou penis is nie ʼn spier nie, en hy gaan nie groter word soos wat jy hom meer oefen nie. Jou penis bestaan uit weefsel wat vol bloed word soos wat jy ʼn ereksie kry. Die meeste mans se grote tydens ʼn ereksie is iewers tussen 12.9 – 16cm, maar in sy flaccid state, (wanneer hy slap is), is elke man se biologiese-grootte anderste. (Dink net hoe sou die kondoom maatskappy gesukkel het om verskillende sizes te bemark: “Ag shame”, “amper daar”, “normaal”, “geseënd”, “you wish”.)

Sal jy my glo as ek vir jou sê jou penis is eintlik dubbel so lank as wat jy dink dit is?

Die deel van jou penis wat jy sien is maar net die deel wat uitsteek, maar as jy jou vingers neem en voel onder jou skrotum sal jy voel hoe jou penis aanhou binne in jou lyf. (Asb as jy hierdie artikel by die werk of in die woonkamer lees, moenie nou voel nie.) Jy sal dit veral voel tydens ʼn ereksie tussen die anus en skrotum. (Onthou hierdie plek, want dit is die man se turbo knoppie.)

As jy absoluut daarop aandring, kan jy vir ʼn penisvergroting gaan waar hulle jou penis ʼn bietjie meer ‘uitskuif’. So jou penis word nie eintlik groter nie, maar net meer sigbaar.

Daar is ook ander penisvergroting-apparate, soos die penispomp, wat beweer om die penis te vergroot, maar hierdie pomp forseer net meer bloed in jou penis en dus swel jy groter op, maar sodra jy weer gaan sak gaan jy terug keer na jou normale grote. So tensy jy elke keer eers wil pomp voordat jy pomp is dit nie noodwendig vir jou nie. (Wees versigtig, want jy kan ook teveel bloed in jou penis in pomp dat een van jou are bars wat nooit goed is nie.)

Enige ander pille, smeermiddels of wondertegnieke wat beloof om jou biologiese-grootte te vergroot, loop weg daarvan, want dit is alles net geldmaak-gimmicks.

Dit is in elk geval net die eerste 5cm van die vrou se vagina waar al die senuweepunte is, so as die lengte van die penis nie ʼn funksionerende rol speel nie, moet dit meer van ʼn sielkundige rol speel.

2)      Sielkundige-grootte

Mans se identiteit en manlikheid is in baie opsigte gekoppel aan hulle penis en seksuele vermoë. Ons vergelyk onsself van laerskool met ander seuns en begin die “myne is groter as joune” kompetisie. Daar is twee belangrike faktore om hier te adresseer.

Puberteit. Dit is nou maar ʼn feit van die lewe dat sommige seuns vinger en vroeër gaan ontwikkel as ander en dit is waar die sielkundige trauma begin. Die gevoel dat jy nie man genoeg nie. Jy is nog ʼn seuntjie, jy is nie ʼn man nie. En al hierdie “manlikheid” word slegs gemeet deur hoe lank jy meet.

Aan die einde van puberteit is die meeste mans dieselfde grote, maar niks van dit maak saak vir die seun wat laat begin ontwikkel het nie, want in sy kop kan hy nie die mas van manlikheid opkom nie. In sy geestesoog sien hy homself as hierdie haarlose klein “vienna” wat nie eers hang nie, wat net staan, voor twee droë rosyntjies vs. die perdmens. En in sy kop is alle mans perdmense, en net hy nog seuntjie.

Die tweede faktor wat ʼn rol speek in die sielkundige-grootte van ʼn man se penis is illusie.

Ons almal het al ʼn toorkunsie gesien. Het hy regtig die dame in twee gesaag? Het hy regtig die muntstuk laat verdwyn (daar is baie sulke talentvolle mense in Suid-Afrika wat geld laat verdwyn). Dit is alles goeie illusies.

En wanneer jy na jou self kyk, in ander woorde jy buig jou kop en kyk af na jou penis, sal hy kleiner lyk as wat jy reguit kyk na iemand anderste se penis. Omdat jy die hele penis kan sien, inplaas van net die bo deel van jou eie. So wees gerus dat wanneer ʼn ander man na jou penis kyk sal hy dink dis groot.

Moenie eers begin om jouself met die penisse op tv te vergelyk nie, want alles wat jy sien op TV is groter as in die regte wêreld. (Maar dan moet ek hier by voeg dat sommige mans in die porn industrie is meer perd as mens, maar okay, ons praat nou van normale mense.)

So as ons die sielkundige aspekte rondom penisgrote begin verstaan, sal ons begin verstaan dat jy die enigste een is wat jou “klein” penis raak sien. Ander mans sal na jou penis kyk en dink dit is “groot” en ʼn vrou sal na jou kyk en dink, “dit is ʼn penis”.

Maar jy kan darem hierdie illusie tegnieke gebruik om vir jouself groter te lyk.

1)      Skeer al jou pubiesehare af. Jou penis sal dadelik baie groter lyk, want dit is al wat jou oog nou op moet fokus.

2)      Kyk vir jouself meer in die spieël as van bo.

3)      Neem foto’s van jou penis, want dit sal die porn illusie inbring dat alles op tv is groter, beter en sterker.

3)      Funksionele-grote

Nou, ons het alreeds gesien dat vrouens nie so baie gepla is oor ʼn man se penisgrootte nie, of dat die man soos ʼn perd gebou hoef te wees om ʼn goeie sekslewe te geniet nie. Maar wanneer die man sleg voel of skaam voel oor sy penis, sal dit ʼn negatiewe effek hê op sy liefdemaak vermoë.

Vra vir jou vrou om vir jou meneer meer komplemente te gee en ʼn bietjie meer van ʼn big deal te maak van jou penis. (Dit is nie net vrouens met swak selfbeelde wat konstante bemoedigende komplemente verlang nie, ons mans het ook cheering nodig.)

En die laaste funksionele-groote wenk waarmee ek wil eindig, is om alles van jou penis te gebruik om liefde te maak. Jou hele sielkundige-penis asook jou hele biologiese-penis. Onthou daardie turbo knoppie wat ek vroeër van gepraat het. Die versteekte penis aan die binnekant. Plaas ʼn bietjie drukking op daardie turbo knoppie tussen jou anus en skrotum wanneer jy seks het of wanneer jy masturbeer en gebruik so jou penis tot sy volle potensiaal.

©Gesonde Seks, Timothy Kieswetter 2013

Vir meer inligting oor seksualiteit en hoe jy ook ʼn Gesonde Sekslewe kan geniet, skryf in vir ons Gesonde Seks Mentorskap by www.gesondeseks.co.za

Gesonde Seks Huiswerk #26 – Musiek Seks


Gesonde Seks Huiswerk #26
Musiek-Seks

Musiek is die enigste iets wat almal kan verstaan – maak nie saak watter ras of klas jy is nie. Dit oorskry alle grense, dit is die oorbruggingsmedium van die individu. Dit het die vermoë om jou emosies aan te raak; dit maak jou rustig as jy kwaad is en dit kan jou opwek met polsende ritme.

As musiek so ʼn kragtige rol in ons lewens speel, hoekom inkorporeer ons dit nie in ons sekslewe nie? Die wêreldbekende seksuoloog, Dr Ruth Westheimer, is eintlik gekant teen agtergrondmusiek tydens seks omdat dit intimiteit kan verdoof. Sy raai aan dat julle eerder op mekaar moet konsentreer as op die musiek.

Vandag se Gesonde Seks Huiswerk werk daarom bietjie anders – jy is nie veronderstel om op die musiek te konsentreer en van jou maat te vergeet nie. Die musiek gaan jou wel help om al jou aandag op jou maat te vestig. Dit sal juis help om die sensasie en seksualiteit tussen julle op te jaag eerder as om dit uit te doof.

Dit is daar om ‘n nuwe stomende dimensie in julle sekslewe te bring! Die ritme en atmosfeer gaan die toonsetter wees; julle liefdemakery moet by die musiek pas. As die musiek vinnig en polsend is, moet jou sekspassies ook versnel; as dit weer stadig en rustiger raak, moet jy eerder sensueel en stadig te werk gaan.

Hier is ‘n paar wenke:
As jy lus is vir lang intieme-seks, luister na klasieke-musiek.
As jy lus is vir aggressiewe-seks, kan jy nie verkeerd gaan met jou gunsteling rock-en-roll -liedjie nie.
As jy lus is vir passievolle-seks, kan julle altyd na julle gunsteling liefdes-liedjie luister.
As jy lus is vir energieke-seks, dan is die nuutste R&B of pop-album net die ding.

Seks moet meer wees as iets wat julle net doen, maar wanneer seks ʼn melodie uit die hart word, kan julle waarlike Gesonde Seks hê!

©Gesonde Seks, Timothy Kieswetter 2012

Gesonde Seks Huiswerk #26 – Driekamp Seks



Gesonde Seks Huiswerk #26
Driekamp Seks

Ons het van geen-seks huiswerk gegaan tot ‘n vinnige quickie-seks laas week. Alles was om jou voor te berei vir vandag se Gesonde Seks Huiswerk – driekamp-seks!

Dit gaan baie beslis jou stamina toets! Seks gaan nie meer vir jou iets wees wat jy doen net voordat jy gaan slaap nie – maar iets waarna jy die heeldag gaan uitsien!

Gesonde seks is nie net om mekaar warm genoeg te vry sodat penetrasie nie te seer is nie. Gesonde seks word nie gejaag nie . . . dit neem sy tyd. Dit verken, bewonder en dit vuur die erotiese vlamme van julle seksualiteit aan.
Driekamp-seks bestaan uit drie verskillende dele: Voel vry om dit aan te pas totdat jy gelukkig is. Maar hier is solank iets om mee te begin:

Aktiwiteit 1: Begin met orale seks vir die man. Baie mans sukkel met prematuur-ejakulasie of sukkel om lank genoeg uit te hou om sy vrou te plesier soos wat hy graag wil. Die beste manier om ʼn man beter beheer oor sy ejakulasie te gee, is om vir hom baie seks-oefeninge te gee.
Gebruik al jou kennis om vir hom die beste orale seks te gee, maar moet hom nie klaar maak nie. Kommunikasie is hier van uiterste belang – die man moet vir die vrou sê hoe vêr hy van sy klimaks af is. Stop wanneer dit by 90% kom.
Hierdie mag dalk bietjie oefening neem, maar dit is die moeite werd!

Aktiwiteit 2: Dis nou die vrou se beurt om aan die ontvangkant te wees van orale seks. Die fokus is nou heeltemal op haar. Die man gaan voel asof hy verdere stimulasie nodig hê, maar probeer uithou. Moenie jouself verder stimuleer nie, en moet ook nie dat jou vrou jou verder stimuleer nie. Fokus nou net op die vrou en vat haar hemel toe!
Spandeer genoeg tyd om elke hoek van haar met jou tong en hand te verken. Die wonderlike ding van ʼn vrou is dat sy verskeie orgasmes kan geniet so moenie stop nie! Kommunikasie is belangrik en laat sy jou wys wanneer jy harder, sagter, dieper of vinniger moet werk.

Aktiwiteit 3: Nadat sy orgasme bereik het en sy smeek hom om in haar te kom, behoort die man al bietjie afgekoel het en gereed te wees vir nog. Nou kan julle jul gunsteling seks-posisie inneem en die driekamp saam sterk af eindig!

©Gesonde Seks, Timothy Kieswetter 2011