Gesonde Seks Huiswerk #22 – Spieël Seks


Gesonde Seks Huiswerk #22
Spieël Seks

“Spieëltjie spieëltjie sê vir my wie is die mooiste in die land?” Ons verhoudings wat ons het met die spieëls in ons huis is een wat altyd op een van twee ekstreme fokus. “Damn ek is hot en sexy” of “Ag, kyk ek het nog ’n grys haar en nog twee plooie.”

Vandag se Gesonde Seks Huiswerk gaan jou sekslewe na die ekstreme neem. Spieël Seks. Mans is mal oor dit want alles in ’n spieël lyk groter as wat dit regtig is. Om seks voor ’n spieël te hê sal seker een van die mees erotiese dinge wees wat ’n paartjie kan doen.
Daar is so baie faktore wat jou sintuie en seksualiteit aan vlam dat jy gaan sukkel om nie oor en oor dit te wil doen nie.

Dit is baie min dat jy eintlik die seks daad kan sien terwyl jy seks het, maar met spieël seks kan jy die penis volg al die pad tot in sy huisie. Speel rond met posisies voor die spieël en maak seker jy gesels met jou maat hoe wit warm hierdie jou maak.

Om seks voor ’n spieël te hê, is soos om porn te kyk sonder om skuldig te voel na die tyd.
Maar seker die grootste twee faktore wat spieël seks so eroties maak is die
a)visuele stimuli en b) die fantasie aspek.

©Gesonde Seks, Timothy Kieswetter 2011

Gesonde Seks Huiswerk #20 – Peperment Seks


Gesonde Seks Huiswerk #20
Peperment seks

Ons val so maklik in roetine met ons sekslewe en dit is nie lank voor alles maar dieselfde voel as die vorige keer. Dit is steeds lekker maar, maar waar is daar die hoendervleis, snak na jou asem en omkrul van tonne? Wel, hierdie week se Gesonde Seks huiswerk is om die GEVOEL terug te sit in jou sekslewe, met peperment seks.
Soos wat die titel noem het dit te doen met pepermente. Gaan koop vir jou lekker minty pepermente vandag, sommer ’n paar pakkies. En dan wanneer jy en jou maat vanaand kamer se kant toe staan, sit so een of twee pepermente in jou mond.

Soos wat jy jou maat se liggaam liefkoos met jou soene, met die peperment nog in jou mond, sal jou soene ewe skielik ’n meer tingle gevoel vir jou maat gee. Bestee baie tyd om mekaar se tepels te soen, nat te lek en so liggies te byt. Trek so elke nou en dan terug van die nat tepel en blaas saggies daarop. Hierdie sal die gevoel intensifier.

Nadat julle mekaar se liggame op ge-peperment het, kan julle aanbeweeg na die genitalia toe. (Nog steeds met peperment in jou mond.) Orale seks het nog nooit so lekker geproe of gevoel soos nou nie. Maak nat, blaas droog. Maak nat, blaas droog.

©Gesonde Seks, Timothy Kieswetter 2011

Die “Missing” hoofstuk in my boek – Josef, Seks tydens swangerskap


Josef
Seks tydens swangerskap
“Hy het egter nie met haar omgang gehad voordat sy haar Seun in die wêreld gebring het nie. En Josef het Hom Jesus genoem.” – Matteus 1:25

Meer oor sy storie

Jesus se maagdelike geboorte is een van die hoekstene van ons geloof. Die Heilige Gees het Maria bevrug sodat dié profesie vervul sou word: “Die maagd sal swanger word en ʼn Seun in die wêreld bring, en hulle sal Hom Immanuel noem. Die naam beteken: God met ons.”

Terwyl die wêreld op die maagd Maria gefokus is, vergeet almal waardeur arme Josef moes gaan. Hy moes uitvind dat sy aanstaande swanger is en hy weet vir ʼn feit dat hy nie die pa is nie. Dit moes vir hom baie erg gewees het! Dit het hom so ontstel dat hy besluit het om die verlowing te verbreek. Daardie selfde nag nog het ʼn engel aan Josef verskyn en alles aan hom verduidelik en vir hom gesê dat hy die seuntjie Jesus moet noem .
Josef het wakker geword en gedoen soos wat die engel van die Here hom beveel het. Tot die dag wat Jesus gebore was (en ek is seker tot ʼn rukkie daarna) het Josef nie seks met Maria gehad nie.

Les vir die moderne man

Ek dink almal is eens dat daar nooit weer ʼn maagd was wat swanger geword het nie – alhoewel sommige vrouens dalk al die verskoning probeer het! Wat op dees aarde is die les wat ons hieruit kan leer? Jy mag nie seks hê as jou vrou swanger is nie? Geensins nie! As julle albei lae libido’s het of vreeslike goeie selfbeheersing, dan is nege maande seker nie te lank om te wag nie!

Ongelukkig is hierdie ook die tyd wat baie mans ontrou aan hul vrouens is. Baiekeer sien die man sy vrou anders wanneer sy swanger is. Hy begin haar as ʼn ma sien en nie meer as sy lover nie en dis dan wat sy oë dwaal. Maar moet nie die fout maak om te dink dat dit nét mans is wat gedurende hierdie tydperk rondloop nie! Sommige vrouens se seksdrang styg geweldig gedurende swangerskap wat maak dat sy konstant seks wil hê. Omdat haar man haar vir bogenoemde redes nie meer begeer nie, mag dit dalk sy wees wat seksuele bevrediging op ander plekke gaan soek.
Kom ons wees eerlik, swangerskap is ʼn geweldige draaipunt julle huwelik maar ook in jou en jou vrou se lewe. Vir sommige raak die lewe dan net beter maar vir ander word dit ongelukkig slegter. Sommige huwelike val uitmekaar na die geboorte van ʼn kind as gevolg van ʼn gebrek aan kennis. . .

Die belangrikste hoeksteen van enige verhouding is kommunikasie. As julle oop en eerlik met mekaar kan kommunikeer dan is die kans vir misverstande skraal. Ons het reeds in vorige hoofstukke (Salomo veral) gesien dat God nie net seks gemaak het vir voortplantingdoeleindes nie. Daarom sal jy ook nie ophou om seks te hê as jou vrou swanger is net omdat julle uit die aard van die saak nou nie meer nodig het om seks te hê nie.
Baie paartjies is huiwerig om seks te hê tydens swangerskap omdat hulle bang is dat die baba kan seerkry. Tensy jy ʼn Babiloniër is, hoef jy nie daaroor bekommerd te wees nie! Die baarmoeder is baie vêr vanaf die vagina – hopeloos te vêr vir jou om by te kom! Ander is weer bekommerd oor die veiligheid van die baba wanneer die vrou ʼn orgasme kry – maar hierdie is ook nie rede om besorg te wees nie. Alhoewel die baba sal rondbeweeg tydens julle liefdemaaksessie, is daar geen negatiewe gevolge vir die baba nie.
Ek wil noem dat as jou dokter kommer uitgespreek het oor moontlike komplikasies tydens die swangerskap, is dit die beste om eerder seks te vermy solank as wat die dokter dit aanbeveel.

Man tot Man
Swangerskap hoef nie vir jou nege maande se droogte te beteken nie. Baie vrouens se seks drang is op haar hoogste tydens hierdie tydperk. Maak daarvan gebruik!

Wat sê die wetenskaplikes

Om seks te hê tydens swangerskap sal julle julle posisies moet aanpas om plek te maak vir jou vrou se maag. Vermy enige posisie wat druk op jou vrou se maag plaas. Die beste posisie vir jou is om onder of agter jou vrou te wees en haar van agteraf te penetreer. Enige staan posisie sal ook werk.
Daar is ’n hele paar voordele om seks te hê tydens swangerskap:
• ʼn Paartjie wat ʼn gesonde sekslewe tydens swangerskap het, lê ʼn goeie fondasie vir die toekoms. Omdat hierdie ʼn tydperk is wat mans en vrouens geneig is om ontrou aan mekaar te wees, is dit belangrik vir paartjies om seksueel daar vir mekaar te wees.
• Omdat meer bloed na die vrou se genitalieë vloei, raak dit makliker vir die vrou om ʼn orgasme te bereik. Baie vrouens wat nog altyd gesukkel het om ʼn orgasme te kry, sal dit nou baie maklik vind.
• Baie mans vind dit eroties om te sien hoe sy vrou se lyf tydens swangerskap verander. Haar borste is groter en haar figuur is voller. Haar hare blink en haar vel is seepglad; die afwesigheid van haar maandstondes dra ook by tot ʼn begeerlike lyf.
• Om sy vrou swanger te maak gee enige man se selfbeeld ʼn hupstoot! Wat beter bewys is daar nie van jou eie manlikheid as om pa te word nie?
• Baie paartjies kom uit hul gewone seksuele roetine en begin mekaar weer van vooraf ontdek. Baie paartjies ontdek weer die genot van gesamentlike masturbasie en orale stimulasie.

As jy hierdie hoofstuk geniet het, dink ek jy sal absoluut mal wees oor my boek “Wat Adam my van Seks geleer het”. Gaan na http://www.gesondeseks.co.za om jou kopie te bestel vandag.

Gesonde Seks Huiswerk #19


Gesonde Seks Huiswerk #19
Buitelug Seks

Dis somer in Suid-Afrika en die lekker warm weer moet gevier word – Gesonde Seks Styl!
Hoe langer ’n paartjie getroud is, hoe groter is die kans dat hulle elke keer op dieselfde plek, selfde tyd gaan liefde-maak.

Hier by Gesonde Seks is ons 100% vir monogamistiese verhoudings. Met ander woorde, die persoon aan wie jy ewige trou beloof het, is die persoon met wie jy Gesonde Seks beoefen. Om seker te maak dat jy vir die res van jou lewe met dieselfde persoon gaan seks het, moet jy tyd, plek en posisie afwissel om seker te maak die liefdes-vonke bly spat.

Met vandag se huiswerk gaan ons op uitstappie – na buite! Daar is niks meer romanties en avontuurlustig as om liefde onder die sterre te maak nie!

As jy dalk nie kans sien om seks in die buitelug te hê nie, stel ek voor jy begin met ’n romantiese piekniek. Speel voetjie-voetjie, lê op mekaar se skoot, streel mekaar se hare en vry mekaar soos verliefde tieners! Enige iets solank jy jou seks buitelug neem.

©Gesonde Seks, Timothy Kieswetter 2011

Gesonde Seks Huiswerk #18 – Kama Sutra Reeks – Kissing at Dawn



Gesonde Seks Huiswerk #18
Kama Sutra Reeks – Kissing at Dawn

Ons eindig vandag met ons eerste Kama Sutra Reeks hier by Gesonde Seks, met ’n lekker staan posisie, genoem “Kissing at Dawn”.

Die hele doel met die Kama Sutra Reeks is nie om noodwendig vir jou ’n stap1 tot 10 tegnieke te wys wat jy stiptelik moet volg nie, maar eerder om die ‘speel’ die ‘tsâchaq’ (lag, terg, speel en om jouself te geniet) in julle sekslewe weer te laat ontvlam.

‘n Kaggel sonder ‘n vuur is soos ‘n huwelik sonder wit warm seks.

Hou aan om hierdie posisies te oefen, asook om julle eie weergawes van die “Unicorn’s Horn, Splitting the Bamboo en Kissing at Dawn” deel te maak van julle sekslewe.

Vandag se Kama Sutra posisie is genoem: Kissing at Dawn (McKenzie, 2005)

So maak mens

Hierdie is ’n lekker posisie om te doen wanneer julle saam stort of in die oggend julle slaapklere verruil vir julle werksklere. Die lekkerte van hierdie posisie is dat dit nie altyd hoef te eindig met penetrasie seks nie en kan net ’n lekker “Kiss at Dawn” wees.

Al twee moet kaalvoet wees. Die kaalheid van die res van jou kan julle maar bepaal oor hoeveel tyd julle het. Die vrou staan voor haar man en plaas haar arms om sy nek en begin hom liggies soen. Dan plaas sy albei haar voete bo op haar man se voete.

Die soen intensiveer tot diep, passie volle soene. Julle sal voel hoe die seksuele energie deur julle liggame beweeg van julle lippe tot julle voete.

Die vrou kan ook een van haar bene oplig en om die man se heup swaai. Hy kan dit met sy hand ondersteun.
Hier kan julle besluit of die “Kissing at Dawn” al die pad na seks toe gaan, of dit net ’n lekker dink aan my deur die loop van jou dag soen gaan wees.

Bibliografie:
McKenzie, E. (2005). Kama Sutra Pleasures: 52 Sensational Positions to Enhance Your Love Making. London: Hamlyn.

Gesonde Seks Huiswerk – Kama Sutra Reeks – Splitting the bamboo


Gesonde Seks Huiswerk #17
Kama Sutra Reeks – Splitting the bamboo

Ons het laas week begin met ons eers Kama Sutra Reeks hier by Gesonde Seks. Ek glo dat julle die Unicorn’s horn geniet het. So paar punte wat ek net wil uitlig oor hierdie Kama Sutra posisies. Die meeste van hierdie posisies is nogal moeilik om eers in te kom en as jy in posisie is, is dit moeilik om te weet hoe om dan te beweeg. Of julle lag so baie van al die probeer dat julle nie vêrder op die seks kan fokus nie. Hierdie is alles deel van die seksuele speel wat Gesonde Seks bevorder.

Wenke om die Kama Sutra posisie te bemeester:

1. Gebruik baie lubrikasie
2. Pas die posisies aan om by julle eie liggame en voorkeure te pas
3. Laat toe dat die passie wat wit warm tussen julle brand julle neem na wat ook al vir julle gemaklik is,
al is dit terug na die sendelings-posisie
4. Maar seker julle het genoeg voorspel gedoen

Vandag se Kama Sutra posisie is genoem: Splitting the bamboo (McKenzie, 2005)

So maak mens

Die vrou lê met haar rug op die bed. Sy lig haar bene op om vir haar man ruimte te maak om nader te skuif. Die man sit nou naby genoeg om sy vrou te penetreer. Die vrou plaas een van haar bene op die man se skouer en die ander been rondom sy lyf. Sy kan ook haar boude ’n bietjie oplig om te help met die man se ritmiese bewegings. Hierdie is ’n baie intense posisie omdat die man oor sy vrou kyk en sy lê oop voor hom. Die oog kontak is ook baie intiem in hierdie posisie en gee ook geleentheid vir die man en vrou om die plesier op mekaar se gesigte te aanskou. Speel rond met die hoek van penetrasie asook die snelheid van die beweging en die posisie van die vrou se bene sodat dit vir julle albei plesier verskaf.

Bibliografie:
McKenzie, E. (2005). Kama Sutra Pleasures: 52 Sensational Positions to Enhance Your Love Making. London: Hamlyn.

Gesonde Seks Huiswerk #16 – Kama Sutra Reeks – Unicorn’s Horn


Gesonde Seks Huiswerk #16
Kama Sutra Reeks – Unicorn’s horn

Laas week se Gesonde Seks huiswerk was om jou seks-fiks te kry vir die Kama Sutra Reeks wat ek vir die volgende paar weke elke Vrydag ’n nuwe posisie vir jou gaan leer.
Kama Sutra is een van die oudste en mees bekendste teks oor seksualiteit. Dit is meer as 2000 jaar gelede geskryf deur ’n Indiese Sage. Kama Sutra beteken die kuns van liefde. Dit is nie net seks posisies nie, maar beginsels en riglyne oor hoe om seksueel te verkeer.

Baie Christen voel ongemaklik met Kama Sutra omdat dit nie “Christen” is nie. (Ek gaan in die toekoms ook ’n Hooglied Reeks doen.)
In die geskiedenis van Christendom was daar nie toe gelaat om positief oor seks te skryf nie, daarom is daar ‘n tekort aan Christen seksuele literatuur.
Een van my kolegas het eendag vir my gevra “Jy moet seker baie ongemaklik voel as ’n Christen tussen al hierdie seks-dinge?” My antwoord was eenvoudig: “Glad nie, inteendeel, ek is baie op my gemak, want dit is my God wat hierdie seks-dinge gemaak het en vir ons gegee het om te geniet.”

So kom ons begin met die eerste posisie – die Unicorn’s horn. (McKenzie, 2005)

So maak mens.

Die man sit op die vloer met sy rug reguit. Hy sprei sy bene oop en laat toe dat sy vrou tussen sy bene sit, met haar rug na hom. Gebruik hierdie tyd om in haar nek te soen en mooi woorde in haar oor te fluister. Sy kan haar vingers oor sy bene streel.

Nadat julle mekaar geliefkoos het en die man ’n stewige ereksie het, kan die vrou haar boude oplig om sodoende toe te laat dat haar man se penis in haar kan in kom. (As julle sukkel met penetrasie in hierdie posisie kan jy altyd so rukkie eers terug keur na die missionary posisie toe om seker te maak dat die man en vrou albei aroused is.) Hierdie posisie is die vagina styf om die penis en dus is enige klein beweging sensitief en sal plesier verskaf.
Die man en vrou kan beurte neem om bewegings te maak. Die man kan op druk en die vrou kan met haar heupe in ’n sirkel beweging beweeg asook op en af.

Hierdie posisie maak dit ook toeganklik tot die vrou se klitoris deur hom en haar.

As jy hierdie posisie na die volgende vlak toe wil neem, doen dit voor ’n vol lengte spieël.

Bibliografie:
McKenzie, E. (2005). Kama Sutra Pleasures: 52 Sensational Positions to Enhance Your Love Making. London: Hamlyn.

Gesonde Seks Huiswerk #15 – Elke dag van die Week Seks


Gesonde Seks Huiswerk #15
Elke dag van die Week Seks

In die begin van ’n verhouding hoef niemand vir seks te skimp, vra of smeek nie – dit gebeur net. Die passie tussen mekaar is wit warm en baie seks is gewoonlik wat volg. (Hierdie is dalk meer van ’n mite as realiteit nie, want ek sien baie nuwe paartjies wat van die begin af sukkel met Gesonde Seks.)

So hierdie huiswerk is vir beide dan. Die paartjies wat al lank saam met mekaar is en waar seks slegs elke nou en dan gebeur, dalk na ’n skimp hier en daar. Asook vir die paartjie wat nog veronderstel is om nog oor te loop met wit warm passie vir mekaar, maar wat agtergekom het Gesonde Seks is harde werk.
Vandag se huiswerk is meer van ’n uitdaging. Ek daag jou uit om al jou ander issues net vir ’n week een kant toe te skuif en seks eerste te plaas. Elke dag van die Week Seks. Geen verskonings, geen verwerping, geen smekery, net eenvoudig Elke dag van die Week Seks.
Net soos wat ’n persoon oefening moet doen om fiks te bly, moet ons ook gereeld Gesonde Seks doen om seksueel fiks te word.
Hier is vir julle so paar posisies om te help as julle ’n bietjie vashaak. (Hierdie posisies is ’n uittreksel uit my boek “Wat Adam my van Seks geleer het” – Salomo, Kamma-kamma of Kama Sutra. Bestel my boek via http://www.gesondeseks.co.za )

1. Die man bo
Hierdie is by verre die mees gewildste seksposisie en staan as die sendeling-posisie bekend. Dit is waar die man bo op sy vrou lê. Hierdie posisie kan baie romanties wees aangesien julle vir mekaar kyk en in mekaar se ore kan fluister. Hierdie posisie ly homself toe dat jy die meeste van die werk doen en jou vrou meer ʼn passiewe rol speel. In hierdie posisie het jy in die algemeen minder beheer oor wanneer jy ejakuleer.
Daar is twee variasies van dié posisie wat maak dat jy jou vrou se G-kol beter met jou penis kan stimuleer. Die eerste manier is om ʼn stewige kussing onder jou vrou se lae rug te plaas sodat haar heupe in ʼn 30 grade helling lê. As jy voel dat jy sterk genoeg is, kan jy ook haar heupe self oplig terwyl jy haar penetreer.
Jou vrou kan ook haar bene optrek en met haar knieë teen jou bors druk. Hierdie posisie verander die vorm van haar vagina om stywer om jou penis te pas. As sy gimnasties is en kans sien, dan kan sy met haar enkels op jou skouers rus terwyl jy penetrasie met snelheid en diepte afwissel.

2. Die vrou bo
Wanneer die vrou bo lê, is sy in beheer van die diepte, tempo en hoek van penetrasie. Sy kan regop sit, vorentoe of agtertoe leuen. Sy kan selfs omdraai en met haar rug na jou toe sit. Wanneer jou vrou bo is, kan sy meer aktief deelneem aan die liefdemaaksessie en kan jy weer die kans kry om ʼn meer passiewe rol in te neem. Jy hoef nie heeltemal niks te doen nie, jy kan steeds jou hande gebruik om jou vrou se borste en klitoris te streel terwyl sy op ritmiese bewegings fokus.
Hierdie posisie is ook baie gewild in seksterapie; dit help die man om in beheer van sy ejakulasie te wees en dis makliker vir die vrou om ʼn orgasme te hê.

3. Penetrasie van agter
Jy kan jou vrou van agteraf penetreer terwyl sy lê, handeviervoet kniel of staan. Sommige mense hou nie van hierdie posisie nie omdat die man en vrou se gesigte weg van mekaar is. As julle eerder intiem wil wees, dan is hierdie dalk nie die beste posisie nie.
Hierdie is ʼn baie meer erotiese posisie en kan baie ekstra sensasie vir beide van julle bied. Om te voel hoe jou vrou se boude teen jou skrotum druk, verskaf daardie ekstra bietjie plesier wat dalk al wat nodig is om julle liefdemaaksessie sensasioneel te maak. Dit laat jou ook toe om haar baie diep te penetreer; wees net sensitief vir haar voorkeure – sy mag dalk nie daarvan hou om té diep gepenetreer te word nie. Jy kan jou hande op haar heupe plaas om te help met die ritmiese bewegings of jy kan haar klitoris of borste masseer. Jou vrou kan ook haar een hand neem en jou skrotum masseer.

4. Sy aan sy
As julle in die bui is om vir ure lank in mekaar se arms te lê en intieme liefde te maak, is hierdie een van jou beste posisies. Omdat penetrasie moeilik is terwyl julle sy aan sy lê, begin dalk eers in die gewone sendeling-posisie voordat julle dan stadig omdraai.
Hierdie posisie laat nie diep penetrasie moontlik nie en die tempo waarteen jy in en uit haar kan beweeg is baie stadig aangesien jou penis baie maklik uit haar vagina kan glip. Hierdie posisie werk goed indien jou vrou swanger is. Jy kan dan ook agter haar lê as haar maag te groot is.
Onthou net dat elke seksposisie het sy eie voor- en nadele en jy moet die regte posisie vir die regte luim waarin julle verkeer identifiseer.

5. Kniel, sit en staan
In elk van die posisies kan een of beide van julle kniel, sit of staan. Hierdie posisies kan julle op amper enige plek doen en is julle nie tot die slaapkamer beperk nie.
Wat ek wil hê jy moet snap is dat jou sekslewe nie vervelig hoef te wees nie en jy hoef nie net een posisie te hê nie. Julle kan gerus met verskillende posisie en style eksperimenteer sodat jy en jou vrou ook soos Salomo en sy beminde saam hooglied kan maak!

Gesonde Seks Huiswerk #14 – Stip Speletjies



Gesonde Seks Huiswerk #14

Strip Speletjies

Gesonde seks bestaan uit 3 dele: Prokreasie seks, Verhouding Seks en Rekreasie Seks
1.Prokreasie seks is seks wat plaasvind met die doel om ‘n baba te maak. Ook daardie tydperk wanneer vroulief met die een oor luiset na haar man se liefkosings en met die ander oor na haar pas-gebore baba se slaap geluidjies. Die fokus is meer op die kinders. Onthou, hierdie is net tydelik. Geduld en ‘understanding’ is nodig.
2.Verhouding seks is daardie intieme konneksie wat die vlam van liefde laat gloei in julle harte. Dis vol emosie en die kersie op die koek is gelyktydige orgasme. Die fokus is op jou maat. Jy wil hom/haar graag plesier. Dis onselfsugtige seks en dit bou julle verhouding.
3.Rekreasie seks is prettig en genotvol. Dis wanneer julle iets nuuts probeer en lag oor mislukkings. Dit sluit ook masturbasie in. Die fokus is meer op self maar ook wedersydse plesier.

En dis die fokus van vandag se Gesonde Seks Huiswerk: rekreasie seks. Spesifiek, Strip Speletjies. Na aanleiding van die week se live chat op Intiem se wall oor “Hoort wellus/erotika in die huwelik?” het ek dit goed gedink om sulke seksuele speletjies voor te skryf omdat ons glo dat Ja! Wellus hoort in die huwelik! Man en vrou moet mekaar se lywe begeer en aangetrokee voel aan hulle maat.

So haal daardie pak kaarte uit, pool tafel of skaakbord en kies ‘n speletjie wat vir julle gaan werk. Een waar die verloder, ‘n kledingstuk moet verwyder. Dit kan poker wees, (as julle gemaklik is daarmee) of selfs net Snap. As julle uit klere hardloop, kan julle oor gaan in seksuele gunsies. Die wenner van die rondte kan vra vir ietsie lekkers.

Net ‘n waarskuwing: As julle ‘n onopgeloste saak het of daar is iets onderlangs waaroor julle nog nie gesels het nie, gaan dit moeilik wees om af te skud en saam te lag. Praat die ding uit, moet dit nie net onder die mat vee nie!

Hoop julle het ‘n fantastiese naweek!

Gesonde Seks Huiswerk #13 – Libido Booster


Gesonde Seks Huiswerk #13
Libido Booster

Nie alles van Gesonde Seks is prakties nie maar behels ook ’n groot deel van teorie. En met vandag se Gesonde Seks Huiswerk gaan ons ’n bietjie meer op die teorie van Libido Boost fokus. Libido is ’n term wat verwys na jou seksuele dryf. Dit verskil van persoon tot persoon en kan wissel van heeldag lus tot altyd geblus. Dit is wanneer man en vrou mekaar op die twee uiterste van hierdie libido-spektrum vind dat daar gewoonlik rusie in die slaapkamer ontwikkel.

Die doel met vandag se Gesonde Seks huiswerk is om nader aan mekaar te beweeg en saam te speel eerder as teenoor mekaar te staan en baklei. Kom ons veronderstel dat dit die vrou is wat nooit lus is vir seks nie, (ek belowe jou daar is baie mans wat ook aan hierdie kant van die libido-spektrum hulleself bevind.) en die man altyd lus het, gaan een van twee dinge gebeur. Een gaan gebruik voel en die ander gaan verwerp voel.

So hier is wat jy moet doen om mekaar in die middel te ontmoet.

Stap 1: Besef dat jy en jou maat is albei seksueel al voel dit nie vir jou so nie.
Stap 2: Besef dat Gesonde Seks speel ’n belangrike rol in enige Gesonde Huwelik.
Stap 3: Bepaal waar op die libido-spektrum jy is.
Stap 4: Bepaal waar op die libido-spektrum jou maat is.
Stap 5: Om die aantal Gesonde Seks wat uniek aan julle verhouding is te bepaal sal die getal in die middel van julle posisies op die libido-spektrum wees.

Bv. Vrou sal 1 keer per week seks wil hê, waar die man dit 7 keer ’n week sal wil kry. So om mee te begin probeer om mekaar in die middel te vind en strewe na so 3.5 keer per week. (Die 0.5 is daar vir die keer wat jy of jou maat net genoeg krag het om te begin, maar nie klaar te maak nie.)

P.S Natuurlik is daar baie faktore wat ’n invloed op jou libido kan hê en dit moet nie geïgnoreer word nie, maar hierdie Gesonde Seks Huiswerk is ’n eenvoudige en maklike manier om oor Gesonde Seks te begin gesels en na te strewe.

God seën en Gesonde Seks
Timothy Kieswetter – Bybel en Seksualiteit kenner