Hoe ʼn dooie Kanarie jou huwelik kan red.


Canary in a Coal Mine

Elke huwelik het ʼn “early warning” sisteem ingebou, wat vir die man en vrou in die huwelik rooi liggies moet flits. Die “early warning” sisteem is nie daar om te waarsku dat die huwelik nie meer werk of dat dit tyd is om ʼn nuwe maat te soek nie. Nee, dit is om te waarsku dat die koers waarop julle huidige op pad is, is nie ʼn gesonde een vir julle huwelik nie.

DOEN IETS DAAROMTRENT!

AKSIE WORD BENODIG!

Hierdie “early warning” sisteem is amper soos toe die myners in die ou dae Kanaries saam met hulle in die myne geneem het. Solank die Kanarie bly lewe en sing, is die myners veilig en kan aanhou doen wat hulle doen. Omdat die Kanaries meer sensitief is vir die gevaarlike gasse, veral koolstofmonoksied wat in myne voorkom, is hulle die myner se beste “early warning” sisteem.

 

Sodra die Kanarie sou op hou sing, siek word en dood gaan, is dit ʼn teken dat die koolstofmonoksied vlakke besig is om na gevaarlike hoogtes te gaan vir die myners. As hulle die dood van die singende Kanarie ignoreer het, sal hulle ook binnekort dood gaan.

Nee, die dood van die singende Kanarie het die myners tot aksie laat spring. Stop wat jy doen en neem aksie. Trek terug en myn op ʼn ander plek of kom later weer terug of sit gesigsmaskers as jy moet bly.

Te veel huwelike mis die dood van die singende Kanarie in hulle huwelik en kort voor lank vind hulleself vervreemd van mekaar en voor die skeihof.

Wat is die huwelik se singende Kanarie?

Wat is die eerste ding wat verlore gaan in ʼn huwelik?

Wat is die huwelik se “early warning” sisteem?

 

Kommunikasie? Respek? Vertroue?

Nee, ek dink nie so nie. Ons almal weet dit is belangrik, maar dit is nie die eerste ding wat verlore gaan nie.

Seks? Intimiteit? Verliefdheid?

Dalk, nader aan die waarheid. Dit is maar so, dat oor die jare met kinders, werk-stres, huisverband, ens., raak die seks, intimiteit en verliefdheid minder. Dit is verseker ʼn waarskuwing, maar ek dink nie dit is die huwelik se Kanarie nie.

 

Wat is die rede hoekom iemand iets sal aanhou doen oor en oor en oor?

Omdat die persoon dit geniet!

Genot, lag, speel, terg, vreugde, happiness!

Dis die huwelik se singende Kanarie.

 

Die Bybel noem dit “tsâchaq” – to laugh outright (in merriment (vrolikheid) or scorn); by implication to sport: -laugh, mock, play, make sport.

(As jy meer oor “tsâchaq” wil lees koop my boek “Wat Adam my van Seks geleer het” en lees die hoofstuk “Isak – Voorspel, naspel maar solank jy net speel”)

Op ʼn ander plek in die Bybel (Nehemia 8:10b) sê die blydskap wat die Here gee, sal julle krag gee. “The joy of the Lord is your strenght

Daar is baie ander dinge wat die Here vir die mens gegee het, maar daar is iets spesiaal aan blydskap, vreugde, genot, plesier, lag wat vir ʼn mens ‘superhuman’ krag gee.

Netso is daar baie dinge wat ʼn huwelik nodig het om te floreer, maar daar is iets spesiaal aan “tsâchaq”, lag, terg, speel, genot, plesier wat vir ʼn huwelik transformeer na ʼn Gesonde Seks Huwelik toe.

Hierdie stel goedvoel hormone in jou brein af wat die emosionele band tussen man en vrou versterk en aanmoedig om dit oor en oor en oor te doen, want dit is lekker.

Is julle huwelik lekker?

Is julle sekslewe lekker?

Is julle geselskap lekker?

Is julle tydsaam lekker?

Want “Lekker” is die naam van julle singende Kanarie.

 

Moenie toe laat dat “Lekker” in julle huwelik dood gaan nie.

En as “Lekker” alreeds ʼn bietjie siek lyk, neem kennis, neem aksie, gaan doen iets lekkers saam.

Stop vir ʼn oomblik, want die druk van die lewe en die verantwoordelikheid van ʼn huwelik is besig om julle te versmoor soos koolstofmonoksied. Dit is nie jou maat wat jou versmoor nie. Dit is julle situasie.

So neem aksie en gaan doen iets vandag nog wat lekker is.

 

(As julle sukkel om die “lekker” in julle huwelik lewendig en singend te hou, sluit sommer vandag aan by ons Gesonde Seks Mentorskap program en begin om in jou huwelik te belê met ‘n epos en sms per week.)

Posted in Uncategorized | 1 Reply

En die wenner van die “Wat is seks nou eintlik?” kompetisie is…


Die naakte feite

Ek het jou gevra hoe sal jy antwoord as jou kind jou kom vra “Wat is seks nou eintlik?” Baie se reaksie is dat hulle te jonk is vir sulke ‘grootmens’ sake. Ons wil graag in beheer wees wanneer en wat ons kinders oor seks en seksualiteit leer en weet en verseker beleef. Maar pasop om te lank te wag om jou kind nader te roep om vir hom of haar die feite van die lewe te gee.

“My kind, ek dink jy is nou oud genoeg om te weet van die feite van die lewe. Kom sit hier dan vertel ek jou.”

“Ag toemaar, ek weet alreeds alles. Wat kan ek vir pappa en mamma van seks vertel?”

Ek glo jou kind moet van jou sy eerste seksinformasie ontvang. En dit beteken jy moet opskud want die skool, maatjies en televisie gaan nie vir jou wag nie. Moenie bang wees om te vroeg informasie te gee nie. Onthou net dit is nooit die fisiese informasie wat jou kind kan ‘corrupt’ nie, maar die waarde, persepsie en gesindheid gekoppel aan hierdie informasie. So moenie die informasie weerhou nie, weerhou eerder die negatiewe gesindheid oor gesonde seksualiteit wat jy heelwaarskynlik van jou ouers gekry het.

Ons het lank gesoek vir ʼn goeie antwoord wat beide die naakte feite gegee het asook dit in ʼn positiewe lig geplaas het. Baie het net die naakte feite gegee, maar dit kan baie scary wees vir die kind, waar ander het weer net filosofies geantwoord oor 2 wat 1 word, wat absoluut geen sin vir die kind gaan maak nie.

So met dit ingedagte het ons op Heidi Schutte se antwoord besluit wat hierdie twee belangrike faktore van naakte feite en gesonde seksualiteit gesindheid by mekaar bring.

“My kinders is 11, 9, en 3. Ek het al lank met hul ‘n pad gestap vandat die twee grotes 6 en 4 was en hul geleer oor waar babatjies vandaan kom en wat seks is. Het hul al selfs geleer wat molestasie en verkragting beteken.

My kinders weet dat seks iets mooi is wat God gemaak het en dat dit iets spesiaals is tussen ‘n getroude man en vrou en nie iets wat jy sommer net doen met enige iemand omdat jy lus is nie. Ek het hul geleer dit is iets moois en dat hul moet wag tot hul die dag getroud is.

Op die oomblik dink hulle seks is “grows“. Ek moet erken in die begin was ek maar ongemaklik maar ek het hul stap vir stap ingelig soos wat hul dit kon hanteer, verstaan en vrae gevra het.

Ek probeer so ver moontlik al my kinders se vrae so eerlik as moontlik te beantwoord anders gaan hul dit op die verkeerde plekke uitvind.

So by die tyd as my kinders tieners is het ek nie regtig nodig om hul enige iets te leer of te vertel nie. En my kinders weet hul kan my enige dag iets vra as daar nog iets is wat hul wil weet.

So oor ‘n jaar is kleinboet 4, dan sal ek met hom ook stadig maar seker begin.

Ek voel maar net dat vandag se tye so lelik is. Dat ‘n mens se kinders vroegtydig moet weet van als anders leer hulle dit by ander plekke en hul weet ook nie as hul dalk in gevaar is soos bv. met molestasie en verkragting nie.”

Dankie Heidi dat jy jou kinders so goed leer. Met hierdie antwoord wen jy ons boek “Die Naakte Feite” wat jou verder sal help met jou kinders se seksualiteit vrae.

 

Om die ouer te help met die regte informasie en met ʼn gesonde siening rondom seksualiteit het ek en my oom ʼn boek geskryf “Die Naakte Feite.”

Kom ek gee vir jou ons antwoord op hierdie vraag oor “Wat is seks nou eintlik?”

(Let op die naakte feite gekoppel aan ʼn positiewe beeld van seksualiteit.)

Wel, na ʼn warm vryery eindig ʼn man en meisie sonder hulle klere en neem die natuur oor!  Die man sit sy penis in die meisie se vagina en beweeg dit heen en weer tot by die punt van orgasme of seksuele klimaks, wat vir die man gewoonlik plaasvind by ejakulasie. Die tegniese definisie van seks (as afkorting vir “seksuele omgang”) dui dus op die daad waarmee ‘n man met sy penis ʼn vrou se vagina penetreer tot by die punt van ejakulasie.   In ʼn breër sin dui seks ook op enige seksuele daad tussen twee mense met die oog op plesier of voortplanting, wat wedersydse masturbasie, orale seks, ens. kan insluit.

Dit is die koue, biologiese definisie. Mens kan egter nog heelwat meer sê oor wat seks nou eintlik is, want dit is beslis meer as net Biologie!  Dalk moet mens ook Wiskunde inspan om te verduidelik wat die siel van seks is – kom ons gebruik die plusteken (+):

1+1=2.  Seks is ʼn samevoeging van twee mense. Jy + Ek = Ons.

Seks bou ʼn intieme verhouding – maar pasop!  Omdat seks soos ʼn plusteken werk, moet mens mooi dink voordat jy dalk by iets soos die volgende “intieme verhouding” uitkom:  Jy + Nou = Spyt!

Ons hoop hierdie boek gaan jou help dat dit nie gebeur nie!

 

As jy hou van hierdie antwoord vir jou kind, sal jy mal wees oor die res van ons “Naakte Feite” antwoorde. Jy kan “Die Naakte Feite” boek bestel direk vanaf my webtuiste www.gesondeseks.co.za of by enige CUM boekwinkel.

 

Timothy verjaar (gedig) – deur Helie Bouwer


Mag jy die wonderlike NUWE Fase van jou lewe betree
Mag jy nuwe wysheid ervaar
Mag jy, jou vrou en kinders goeie gesondheid geniet
Mag julle nog sterker as voorheen staan
Mag jou hart verruim en jou visie vergroot
Mag families herstel
Seks gode dood
Die tradisies en straf verdoof
Weet helfte van ons kinders ken nie hulle Pa
Al is die nog nie dood
Weet miljoene kinders hou jou dop
Jy hou n land se kinders in hoop
Hulle honger na liefde en seks in nood
Voer hulle die daaglikse goeie woord
Verhoed dat almal val,
Red ons kinders, hulle bly wonderlik al le van hulle in die sloot
God het elkeen van hulle baie lief
Jy is gebore vir n tyd soos die
Watter wonderlike voorreg
Weet, jy is kosbaar en baie spesiaal!
Waarom dink jy is Jesus gebore in n stal?
Ons Koning vra, le jou lewe neer
Ag ander hoër as jouself
Ongeag hoe eenvoudig hulle mag lyk
Dawid was nie eers deur sy Pa geeer
Ek dank die Here vir jou wonderlike Ma en Pa
Wat waarheid in jou gebou het
Want daar is BAIE mense op aarde met groot issues en min hoop
So baie glo nog in wette, sonde en meer in straf as genade groot
Moenie alles persoonlik neem nie
Weet baie het nog self baie seer
Die Heilige Gees sal jou wys
Ons almal moet nog heel wat leer
Word nooit te moeg om God net te vra
Weet jou Hemelse Pa is altyd daar.
Onthou net jy het nie net n bietjie meel nie
Maar nog baie brood!
Vele vreugde en baie om oor te lag
Baie mense het nie die belangrikste beloftes vergeet
N Koning is vir ons gebore
Nee, dit gaan nie oor juwele of kastele
Ook nie oor al die geld, wat ons mense beheer nie
Dit is meer oor ons kinders se pyn, ja diep seer
God het n woord en belofte net vir jou
Timothy, ek is so bly, jy is gebore
Die hele lewe gaan net oor die mens
Leer hulle om op aarde te regeer

I pray the blessing of God over you and your family
Not just to be happy, but deeply blessed
Because Jesus was born
It is time for the dry bones to come alive
It is time for you to prophesy
You are redeemed
You have a dream
It goes across the Nation
You have many sons
Fall on your knees
Christ is the Lord
Yes, He is King
Forever and ever!

Glorious birthday
With angelic host, just for you Timothy!

Helie Bouwer.     25 Nov 2013

Timothy verjaar – deur Janet Kieswetter


OLYMPUS DIGITAL CAMERA

 

Timothy is vandag slegs 31 jaar oud en hy het al klaar ‘n merk gemaak op ons land. Sy naam en bediening is deurdrenk in kontroversie en hy ontvang daagliks ‘hate-mail’ wat sê hy is seks-behep sowel as klomp ‘Baie dankie’ briewe van mense wie se huwelike hy gehelp red het. Hy het al vroeg besef dat hy dikvellig gaan moet wees, asook geleer om sy vyande te seën. Ons verstaan in elk geval dat slegte publisiteit bly publisiteit! 
In plaas daarvan om al sy prestasies te noem (en daar is baie) of sy goeie eienskappe (nog meer!), gaan ek kontroversiële sinne aanhaal uit sy skrywe. Ja, sodat die wat nog wonder presies waarvoor Timothy staan, nie meer sal wonder nie. Die boek of tydskrif waaruit elkeen geneem is, is tussen hakkies daarna.

“Ons moet begin om te verstaan dat seksualiteit, begin in elke kind as skoon, heilsaam, rein, mooi, opreg en gesond.” (Hoekom blommetjies en bytjies gevaarliker is as penisse en vaginas: Gesonde Seks blog, 2013)
“Die samelewing leer ons dat dit die man moet wees wat die jagter is. Dat ʼn goeie Christen vrou en gerespekteerde moeder, net nie sulke dinge doen soos om haar man te bespring nie. Ek glo hierdie konserwatiewe stereotipe weerhou die seksuele vrou om waarlik in aanraking te kom met haar innerlike seks-godin. As ons na die Hooglied vrou kyk, vind ons dat dit heel normaal is vir ʼn goeie gelowige vrou om haar man te gryp so elke nou en dan.” (Artikel vir Finesse Tydskrif)

“Watter waardes jy ook al aan orale seks koppel, verstaan dat dit niks te doen het met die aksie (orale seks) self  nie, maar slegs jou persepsie daarvan. En persepsies kan verander!” (Ontbyt in die Bed en Seks in die Kombuis, 2013)

“God het nie die man gemaak om oor sy vrou te heers soos ’n koning oor sy slawe nie, maar eerder hom Koning van die huis gemaak om saam met sy Koningin te heers.” (Wees die CEO van jou huwelik, 2013)
“God het nooit bedoel vir ‘n man om net ‘n spermskenker te wees nie, maar om ‘n liefdevolle pa te wees.”  (Wat Adam my van Seks geleer het, 2011)

“Selfbevrediging is ‘n goeie indikasie van hoe gemaklik jy met jou eie seksualiteit is.” (Ontbyt in die Bed en Seks in die Kombuis, 2013)

“Daar is gewoonlik ‘n emosionele rede wat ‘n man na ‘n prostituut toe dryf.” (Wat Adam my van Seks geleer het, 2011)

“Seks Speelgoed is vir baie mense ‘n baie sensitiewe en taboe saak. Maar soos enige taboe is dit maar net omdat ons nie genoeg kennis daarvan het nie, en daarom is ons bang vir die onbekende.” (Seks Speelgoed 101, Mentorskap Kursus)

“As jy ‘n rede soek om te skei, dan sal jy gou een kry. Maar as jy jou huwelik wil red, dan sal jy redes moet soek om te bly.” (Wat Adam my van Seks geleer het, 2011)

“Daar is nie een mens op die aarde wie se lewenspad nie bestaan uit kruispaaie nie. God gee vir almal genoeg kans om Hom te kies as Redder. Ons gebede kan niemand iets maak doen nie, dit kan hom net tot die volgende kruispad in sy lewe bring, waar hy self ‘n keuse moet maak.” (Gebeds-Handleiding, 2001)

“So alhoewel ek glo in net een God, glo ek Hy manifesteer Homself aan sy kinders (die mens) hoe Hy wil en soos Hy wil.” (As daar net een God is, hoekom aanbid ons elkeen one eie god?: Binne die Glashuis, 2013)

Ek glo dat God Timothy opgerig het om in hierdie tyd ‘n stem te wees in ons land. Hy MOET leer en praat en skryf oor seks. Hy moet mans, vrouens, tieners, dominees, onderwysers en leraars leer oor GESONDE SEKS. Dit is sy roeping en sy bestemming.

Dankie Timothy dat jy bereid is om te praat oor die Taboe. Dankie dat jy dag in en dag uit na mense se seer luister en raaksien. Dat jy God se boodskap van genade en genesing bring tot jou medemens.

 

Now this looks like a job for me
So everybody just follow me
‘Cause we need a little controversy
‘Cause it feels so empty without me
I said, this looks like a job for me
So everybody just follow me
‘Cause we need a little controversy
‘Cause it feels so empty without me

(Eminem, 2002)

Ons WAS ‘n gesin van 5. Ma, Pa, 2 seuns en 1 dogter (ek)


iStock_000004743935XSmall (1)Anoniem vertel: My ouers is getroud toe hulle 20/21 was. Ons is 3 kinders, 2 seuns en 1 dogter (ek). Ons was ‘n hegte gesin. Ons was goed groot gemaak. Ons het nie baie geld gehad nie, maar ons het altyd kos gehad en was altyd skoon en netjies. My ouers het altyd seker gemaak ons is netjies aangetrek vir kerk en as ons winkel toe gaan. Ons het altyd mooi maniere gehad oral waar ons gaan, respek vir ouer mense, vir ander mense, vir onsself en ons het waardeer wat ons het ens. My ouers was liefdevol teenoor ons, regverdig, het altyd seker gemaak dat ons weet hulle sal altyd daar wees vir ons, maak nie saak wat nie.  Hulle het ons geleer van die lewe (meer my ma het) en seker gemaak dat ons hard leer en werk op skool sodat ons ‘n goeie toekoms kan he.

So het ons groot geword en met die gedagte dat ons ‘n onbreekbare gesin is. Dat min ander gesinne so ‘geheg’ is soos ons nie. Ons kan openlik met mekaar oor alles praat. Ons het familie ‘meetings’ gehad, veral toe ons tieners was, as ons nie mekaar respekteer nie, ongelukkig is oor dinge, nie wil luister na my ouers ens nie. Dan sal elkeen ‘n beurt kry waar hulle kan se hoe hulle voel, waaroor hulle ongelukkig is en dan word die huis reels (ons takies soos beurte vir skottelgoed was ens) uitgele en so word dit uitgesorteer en daarna is almal weer gelukkig.

Die mense in veral ons kerk (waar ons is vandat ons almal klein is tot ons nou onlangs) het altyd ons familie bewonder (so het hulle vir ons gese). Vriende het ook. Mense in my skool het altyd gedink ek het die coolste familie (veral my pa).

My ma was n huisvrou tot en met ek so 9jaar oud was toe het sy gaan werk agv finansiele redes. My pa het n besige werk gehad het hy het naweke ens gewerk, oor kerstyd, paastyd ens. Ons het hom later al hoe minder begin gesien.

Soos ek en my broers ouer word het ons agtergekom my pa steek dinge weg en iets klop nie  altyd lekker nie. Ons het begin dinge dophou en uitvis wat aangaan. Eers meer my broers omdat hulle ouer was en hulle meer verstaan het en ek maar nog klein was en ‘innocent’ was. Ek en my pa het n ongelooflike sterk pa-en-dogter band gehad. Dit was onbreekbaar en ons was soos n tweeling. Ons het so baie dinge saam gedoen en hy was my hero. (Op skool moes ons n taak inhandig oor ons ‘hero’ en al die kinders het sport of popsterre gekies, maar ek het my pa gekies en n taak oor hom gedoen).  Ek kon hom enigiets vertel, enigiets vra of deel en hy sou altyd luister en my help en so. Ons het ons eie spesiale pa en dogter sê-ding gehad as ons met mekaar oor die foon gepraat het en ons groet, dan se ek altyd vir hom: ‘Ek is die liefste vir jou’ en dan sal hy se nee hy is en ek kan nie hom ‘beat’ nie. Ons het ook baie vir mekaar gese dat elke sandkorrel in die heelal tel as n miljoen druppels liefde en so het ons altyd die speletjies gehad van wie is die liefste vir mekaar.

Ek het vir lank aan my pa vas bly glo hy sal nie oneerlik teenoor my ma (of ons) wees nie alhoewel ek gehoor het wat my broers ontdek. Daar was n hele paar vrouens. Ek dink my broer het n lys gehad van name wat hy gemaak het en die hele puzzle bymekaar gesit het. My broers het toe half van hom af weg beweeg sielkundig. Ek was so verwar en het nie geweet aan wie se kant ek moet wees nie. Want ek is so bitter lief vir altwee my ouers. Ek het nie geweet waar ek hoort nie. Dit het my baie deurmekaar en skuldig laat voel as ek my pa mis of as ek n dag saam met hom sou geniet, want ek weet hy was besig met dinge (al was ek nie seker waarmee nie) Dit het my hele wese in twee gedeel.

Ek weet my broer het hom toe gekonfronteer op n tyd, met sms’e wat ek op sy foon gekry het en n video wat hul op af gekom het van hom en n ander vrou. Ek dink hy was op hoërskool in matriek. Al het hy al die feite voor my pa gegooi het my pa alles ontken en homself so uit dit uit gejok en verskonings vir alles gehad. dit was ongelooflik om te hoor wat hy alles gese het. My pa het n gawe om vreeslik goed te jok. Jy kan glad nie verby hom kom nie. Hy sal jou ‘outline’, maak nie saak watter feite jy voor hom sit nie.

Hy het so baie dinge gese hy sal doen en belowe maar dan gebeur dit nooit. soveel leuens…..Hy het SO baie dinge gedoen waarvan ons niks geweet het nie…

So 4/5jaar terug toe val ons lewens uitmekaar en ons gesin bars uitmekaar…….

Ek was maar 18 en net uit die skool uit.

Soveel mense het, wou en wil ons nie glo nie, maar dit het gebeur en dit is waar. En ons sal nooit ooit weer dieselfde wees nie.

Dit het so gebeur my ma uitgevind het my pa is al die jare getroud met ‘n ander vrou. (maar hy bly nogsteeds by ons gesin en is ‘getroud’ met my ma). My ma het gaan kyk na haar huwelik status by die Hoogeregs hof en toe sien sy dat sy ‘n geskeide vrou is, al vir 13jaar!!!! En sy weet van absoluut niks!! Hy het haar geskei sonder

haar wete of verbale toestemming. Die skeibrief is wettig by die Hooggeregs hof ens. Hy het haar handtekening op ‘n manier gekry, ons dink ons weet hoe maar is nie heeltemal seker nie. Hy is wettig getroud met hierdie ander vrou al vir 7/8jaar en hulle is al saam vir 14jaar. En bo op dit, het sy (die ander vrou en haar dogter) nie geweet hy bly by ons en lewe nog ‘n ‘getroude’ lewe met my ma nie. (en daar is nog BAIE leuens wat hiermee saam loop, ek kan ‘n hele boek skryf)

Ek het die vrou ook ontmoet, hulle trou fotos ook gesien. My pa lyk so jonk op daardie fotos en om te dink ek was maar 6jaar oud toe hy my ma geskei het en ‘n paar jaar daarna trou hy met iemand anders! Terwyl ons 4 salig onbewus is van niks en ek hom ophef as die hero in my lewe!!!

Ek het in my lewe nog nooit so iets erg ervaar nie, nog nooit!  Dit het gevoel of jy my lyf stadig in twee skeur, my hart met ‘n tang uit my bors trek en op hom spring! My hart is vergrys. My siel is gebars en gebreek en hy sal nooit weer genees nie, ek sal nooit genees nie, ek sal nooit ooit weer dieselfde wees nie. Dit voel asof jy van my ledemate verkrummel het en dit net so gelos het met die pyn. Dit is elke dag daar, die lem is elke dag nog in my hart.

Ek was in die hospitaal opgeneem vir ineenstorting. Ek het al ophou tel hoeveel panic attacks ek gehad het. Ek dink al my trane kan seker ‘n rivier vol maak. Ek trek nou al by my 5de sielkundige en ek glo nie daar is iets wat ooit hierdie seer, hierdie enorme teleurstelling en hierdie verraaiing kan herstel nie. Veral van die persoon wat veronderstel was om MY te beskerm, wat MY moes leer om uit te kyk vir die slegte dinge in die lewe, wat MY valskerm moes wees as iemand anders my seermaak of my breek. En nou……? Ek het gedink ek het een, maar net om uit te vind my valskerm is al die tyd net fals. Hy is nie daar nie. As ek sou hardloop vir my valskerm, sou ek my net flenters val, want daar is niks. Waarheen hardloop ek nou? Ek moet myself beskerm teen die man wat ek die liefste gehad het. Ek het net my ma oor wat my alles vir my beteken.

Al daardie dinge wat ek onthou wat ons saam gedoen het toe ek klein was, alles wat hy gese het, al die kere wat hy gese het hy is so lief vir my, is alles nou net n lem wat in my hart vassteek. Want jy doen nie so iets aan iemand waarvoor jy lief is en wat alles vir jou beteken nie. Jy praat as jy ongelukkig is en maak ‘n plan om hulle te maak luister, of jy skei op die REGTE manier en betrek jou kinders en help hul daardeur maar jy vernietig nie hulle hart en siel deur sulke leuns nie. Want maak nie saak hoeveel jare verby stap nie, die waarheid sal altyd maar altyd uitkom.

Hy het ons soortvan vermy en tot vandag toe maak hy asof niks gebeur het nie en het n lekker lewe. Hy kan nie eers die suffering erken waardeer ons is en nog deurgaan nie. Hy maak dit af as niks. Hy het nog nie eens eenkeer behoorlik jammer gese nie, jammer vir die verwoesting, vernietiging wat hy gesaai het nie. Hy het net gevra hy soek vergifnis. Maar al het ek dit gegee verander dit niks. Sy ‘niks omgee’ trap net die lemme net dieper in my. Sy woorde ‘Ek is lief vir jou met my alles’ beteken vir my niks.

Op 23 het ek tog ‘n klein bietjie genees op n manier, al is dit nie soos ek moet of graag wil nie. Ek is ‘n ongelooflike sterk steun pilaar vir ander. Ek kan BAIE dra op my voor ek sommer sal knak. Ek is ‘n baie goeie ondersteuner en skouer. Ek is ‘n beskermer vir die wat dit nodig het, het ‘n baie sagte hart vir die wat emosioneel suffer of seer het.

Ek het die storie kort gesluit, want dis te veel om te tik nou en my trane maak dat ek nie kan sien meer nie. Al die sielkundiges wat ek gesien het, was tot in hul diepste geskok oor die hele verhaal. (dis seker maar ook hoekom niemand regtig my kon help nie, ek weet nie) Al wat ek hoop is dat niemand ooit deur dit hoef te gaan nie. Veral nie as jy so erg was oor jou pa was soos ek nie. Ons band sal nooit ooit weer herstel of dieselfde wees nie.

Al wat ooit graag sou wou he is net ‘n pa, soos wat ek sien ander een het. Daardie onvoorwaardelike liefde en omgee en jou ‘safe haven’.  En nie soos die verlore skapie wat nie weet waar haar kraal is nie…

Hoekom blommetjies en bytjies gevaarliker is as penisse en vaginas


Die naakte feite

In die volgende paar maande met die aanloop van my nuutste seksvoorligtingboek “Die Naakte Feite” wat uitgegee word deur CUM uitgewers, gaan ek al hoe meer begin skryf oor gesonde seksopvoeding vir ouers met kinders.

(Die boek sal Feb `14 beskikbaar wees.)

(HIER IS DIE BOEK NOU – BESTEL HOM HIER)

Een van my goeie vriende het nog altyd gewerk onder die jeug en hy sê altyd mens kry nie iets soos ‘n probleem tiener nie, net probleem ouers.

Ek wil dieselfde sê oor seksualiteit. Mense kry nie kinders vir wie seksualiteit sies, skaam, lelik en vuil is nie, net konserwatiewe ouers.

Ons moet begin om te verstaan dat seksualiteit, begin in elke kind as skoon, heilsaam, rein, mooi, opreg en gesond. Daarom sal jy kinders vind wat dit lief om kaalbas deur die huis te hardloop. Dat nadat hulle geleer het om self op die pottie te sit, sal hulle vir almal uitnooi om te kom kyk en sodra jou seuntjie leer dat hy iets het wat meisies nie het nie, sal hy sommer voor al jou kuiergaste met al die trots in die wêreld die publieke aankondiging maak, “Kyk, ek het ‘n tottie.”

Iemand het eendag vir my gesê, hy wens dat sy kinders verewig onskuldig sal bly.

Onskuldig? Ja ek bid dit ook vir jou kinders, maar Naïef? Nooit.

Vandag se gedagte oor gesonde seksopvoeding vir ouers met kinders, wil ek net fokus op die titel wat ons aan hierdie gesprek koppel.

“Die blommetjies en die bytjies.”

Nou ek studeer seksuologie nou al ‘n lang ruk en ek verstaan nog steeds nie, waar op aarde hierdie blommetjies en bytjie vandaan kom en hoe dit sin maak nie. Ek weet bye steek, en blomme het stampers, maar meer as dit maak dit nie vir my sin nie. Die twee is nie eers dieselfde spesies nie.

Die Engels is dalk ‘n bietjie nader met “The birds and the bees”, nog steeds nie dieselfde spesies nie, maar darem kan al twee saam weg vlieg.

Moenie jou kind se intelligensie onderskat nie. Hulle gaan agterkom wanneer jy vir hulle lieg. En hoe meer hulle voel jy probeer iets wegsteek hoe meer nuuskierig gaan jy hulle maak.

Daarom as jy vir jou kind die heeltyd stories oor blommetjies, bytjies en voëls vertel gaan jy die kind baie meer nuuskierig maak oor die penis en die vagina.

Maar as jy van die begin af vir jou kinders leer dis ‘n penis en dis ‘n vagina, en vir hulle leer ‘n mens kan normaal oor seks praat sonder om skuldig te voel of skaam te kry, sal nuuskierigheid verminder, want hulle voel nie jy steek iets vir hulle weg nie.

(Glo my nie, dis okay. Doen hierdie eksperiment met jou kind. Neem daardie sjokolade wat jou kind so dop hou die hele dag en gaan in die kamer en steek dit weg. Kom uit sonder die sjokolade en jou kind sal dadelik vir jou vra, waar is dit? Moenie jou kind antwoord nie. Gee vae antwoorde soos wat jy nou sou doen met die blommetjies en bytjies. Los jou kind alleen, en kyk wat maak hy! Verseker die eerste geleentheid wat hy gaan kry, is hy in jou kamer en op ‘n soektog na daardie sjokolade, want hy weet jy lieg vir hom, hy weet jy steek iets weg, en omdat jy nie hom eerlik en opreg en sonder skaamte geantwoord het nie, het jy hom net meer nuuskierig gemaak waar daardie sjokolade is.)

Kyk ‘n bietjie na hierdie video clip wat mooi illustreer hoe naïef-wees, jou meer nuuskierig gaan maak. Let op die ou wat wel weet wat aangaan, minder nuuskierig is. (en minder creepy)

As jy nog nie die boek bestel het nie, doen dit hier: www.gesondeseks.co.za

 

ʼn Prentjie van skool eksamen en vakansie by die see om jou te help om ʼn Gesonde Seks lewe te geniet.


Exam

Ons raak soms ongeduldig wanneer dit kom by genesing en verandering van ons maat. Veral wanneer dit kom by die seksuele. Ons wil hê dat my maat moet besef hoe belangrik seks is, Gesonde Seks is, en daarom moet ons volgende seks-sessie, sommer in haal vir al die jare van droëbek sit. Omdat seks ʼn uitvloeisel is van wie ons is en hoe ons onsself aanskou, kan ons nie verwag dat iemand se sekslewe oornag gaan van vanilla tot wit warm Gesonde Seks nie.

Verandering kan nie forseer word nie.

Dink terug na jou Hoërskooldae. (Wiskunde klas spesifiek)

Deur die hele jaar let jy nie regtig op in die klas nie.

ʼn Dag of twee voor die eksamen ‘cram’ jy al die wiskundige formules in jou kop in, met die hoop dat so paar van hulle sal na jou toe terug kom môreoggend, wanneer jy in die eksamen lokaal sit.

Jy kom deur. (Net!)

ʼn Week later, hoe baie van daardie wiskundige formules werk nog in jou kop? Hoe baie van wat jy so hard voor geleer het, kan jy nog onthou?

NIKS.

En dit is presies wat gebeur as ons verandering, of dit nou seksuele veranderinge, of emosionele veranderinge is, of wat ook al, wil forseer. Jou man of vrou mag dalk die toets slaag, maar ʼn week, maand later, is dit maar weer terug na normaal. Niks het werklik verander nie.

Daar is te veel mense in die huwelik wat mekaar wil probeer verander, en al wat dit by jou huweliksmaat tuisbring is dat hy/sy moet studeer vir ʼn toets.

Is jou huwelik een toets weg van skei af?

Wag jy net vir jou maat om een toets te druip? Sodat jy jou opgeboude jaarlange frustrasie op hom/haar kan uithaal. “EK HET GEWEET JY SOU DRUIP. JY LET MOS NIE OP IN MY KLAS NIE.”

Nee, ons moet hierdie beeld en huweliksveranderings filosofie weggooi soos wat skoolhandboeke vandag in SA weggegooi word.

Die huwelik is nie veronderstel om ʼn klaskamer te wees nie. (Wel tensy jy ʼn kinky fetish het oor skoolklaskamers.)

Het jy al ooit oorweeg dat dit nie die leerder wat druip se skuld is nie, maar die onderwys sisteem s’n?

Hou op om mekaar toetse te gee en begin om SAAM vakansie by die see te hou.

 

boat_on_the_shore-5448Skets hierdie prentjie vir jouself.

Jy is op vakansie en soos enige goeie vakansie begin dit ook maar met lekker baie bakleiery en stres. (Dis maar hoe die lewe gaan.)

Jy probeer jou boot in die water sleep by die see. Maar dit is laaggety en die boot is swaar en moeilik om oor die sand te sleep tot in die water.

Jy wil net tot in die see kom, sodat jy jou vakansie kan begin geniet. Jy is vas oortuig sodra jy net in die see is, sal alles ‘swimmingly’ gaan.

Maar dit is soveel moeite, om die verdomde boot in die see te kry.

Dis warm.

Jy sweet.

Jy is moeg.

Dit is swaar.

Dit is moeilik.

(Hierdie is dieselfde forseer-eksamen skryf tegniek wat ons nou net van geleer het.)

Jy kan nie geniet waar jy nou is in jou huwelik nie, want jy is baie bewys van die ongemak en hoe jou huidige situasie GLAD nie opleef tot jou ideale nie.

En natuurlik is dit alles jou maat se skuld!

Die maklikste en beste manier om daardie boot in die water te kry is om te WAG.

Klim in die boot, kry alles gereed wat jy nodig het vir jou piekniek op die see. Laai die boot en wag vir die hoogwater om oor jou te spoel.

As jy op die regte plek jouself geposisioneer het, sal die water jou kom haal. Maak jy net seker jy is gereed.

Met ander woorde, moenie wag tot jou maat verander of jou toets druip nie, geniet wat julle nou saam het, geniet elke oomblik al is dit saam in ʼn boot gestrand in die hitte van die dag.

Solank jy mekaar as gelykes kan sien.

Solank julle insig het vir mekaar se seer.

Solank julle julself toerus met roeispane en life-jackets.

Sal dit nie saak maak hoe moeilik en sukkel julle nou deur gaan nie, julle is saam in die bootjie. (Fellowship = Two fellos in a ship) of in ʼn Gesonde Seks translasie (Fellowship = Fellatio worship)

 

Waarmee ek julle wil los, prakties.

#1 Moenie mekaar forseer om te verander nie.

#2 Doen moeite om mekaar se sieninge te verstaan.

#3 Leer SAAM nuwe tegnieke.

#4 Vra jou maat wat kan jy doen om dinge makliker te maak.

 

Sien jy die verskil.

Dit is nie meer die leerder se verantwoordelikheid of te dans tot gesag nie, maar dit is die gesag se verantwoordelikheid om saam die leerder die proses te geniet.

As jy gereed is om saam in die bootjie te sit en julleself te posisioneer vir die gety om in te kom, gaan na www.gesondeseks.co.za en laai gratis die e-boek “Wees die CEO van jou huwelik” af en begin om die lewe te geniet, sonder die vrees van prestasie.